Anti-Corruption Bureau in Dr R Lalthangliana “eiruk” zât chhût sual, siam tha leh

Anti-Corruption Bureau chuan Dr  R Lalthangliana hi a sum lakluh hriat theih baka hausa angin a puh a, mahse, chutianga a hausak dan zat chiah chu a chhût sual a, court ah siamthat an dil hnu in nuai 80 chuang in Dr R Lalthangliana disproportionate assets a tlem leh si ang in a lang

 

6f86cc12ad31da3de45b0d57e602d03emnfatserchhip

Eirukna chhuitu Anti- Corruption Bureau (ACB)-in MNF Vice President Dr R Lalthangliana, a sum lakluh phu lovin a hausa ti-a an puhna thubuai thehluh ah tih dik loh a lo awm a.

Special Prevention of Corruption Court Judge Lucy Lalrinthari chuan tunkar Thawhtanni (March 6) khan he tihdik loh hi siamrem a phalsak a, chumi hnu ah chuan Dr R Lalthangliana’n a eiruk zât nia sawi hi cheng nuai 80 (Rs 80 lakhs) chuangin a tla ta tih The Frontier Despatch chuan thu a dawng.

ACB-in Dr R Lalthangliana sum leh pai lakluhna chi hrang hrang an chhûtna ah a in leh lo neih atanga inluah man a dawn te an chhût a. A tir ah chuan heng in luah man a hmuh te hi cheng nuai 9 angin chhût a ni a, mahse, an endik leh hnu chuan cheng nuai 90 zawk a lo ni reng a.

Hei hi Special PC Court ah tunkar tir lam khan thlen leh in court hian an thubuaia thu ziah dan siamrem a phalsak ta a ni.

Dr R Lalthangliana ukil te chuan hriat theih china a sum leh pai neih leh hriat theih baka a sum neih inthlauhna pawh a tlahniam viau niin an sawi a. Tihdik hma kha chuan ACB hian Dr R Lalthangliana hi a sum leh pai lakluh aiin 117% in a hausa niin an puh a. Mahse, chhût sual an hmuh a an siam that takah chuan 46% a lo ni leh zawk si niin an sawi. Dr R Lalthangliana ukil pakhat chuan hetianga percentage a tlak hniam tak ah chuan an dinhmun a tha sawt niin a sawi a, a sum leh pai lak luh baka pawisa a ngah anga puh la awmchhun te pawh hi a neih dan chhui lêt vek theih a ni tiin a sawi bawk.

Dr R Lalthangliana eirukna thubuai hi March 21 ah court hian a ngaihtuah chhunzawm leh ang.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s