MBOCWWB chhui tura sorkar ruat eptu party, pawl leh chanchinbu in sawisel

Mizoram Building & Other Construction Workers’ Welfare Board sum hman dan chhui turin sorkar chuan Commissoner of Inquiry Lalchhunga, IPS officer hlui a ruat niin CM Lal Thanhawla chuan chanchinbu thenkhat a hrilh a, mahse, eptu party hrang hrang bakah pawl leh chanchinbu te’n an sawisel chhunzawm nasa hle.

MNF thalai te, MPC party leh ZNP te chuan Welfare Board chungchang chhui tura Chief Minister in a laina hnai tak, a nuphalpa a ruat chu tha lo an tih thu leh thil dik tak a hmuhchhuah an rin loh thu te an sawi a, MNYF phei chuan Lalchhunga chuan engpawh chhuichhuak se an pawm lo sa niin an sawi. PRISM pawhin Welfare Board  buaina chhui tura Chief Minister in Lalchhunga a ruat chu tha lo an tih thu leh CM in Lalchhunga  a ruatna hi a sût lo a nih chuan High Court-a zualko an tum thu an sawi a.

Mizorama chanchinbu darhzau ber Vanglaini pawhin March 8-a Editorial a ziahah Minister leh Youth Commission Chairman meuh ban phahna a nih avangin a chhui tu tura ruatin dik tak leh hleih nei lovin chhui chhuak pawh ni se, mipui nawlpui ngaihdanah CM nuphal a nih avangin Congress party lam tana tha lo tur anga chhui chhuak lo tura ngaihna a lian nghal hle a. Sorkar pawhin tlawmah la lo in a chhui tu tur hi thlak leh se a duh niin a sawi.

Welfare Board chhui chiang tura Lalchhunga ruat thu hi Chief Minister in a sawi a ni a, a ruatna thu hi he thu ziah lai thleng hi chuan sorkar in a la tichhuak lo a ni.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s