Mizoram Agro & Allied Products neitu Solomon Vala police te’n an man

Luangmuala Mizoram Agro and Allied Products zirna in neitu Solomon Vala laka MZP in FIR an thehluh bawhzuiin police te chuan March 7 khan an man a, hemi chungchanga MZP thu chhuah tarlan danin, nikum June thla khan Mizoram Agro & Allied Products-a thil inzirtir danah thil fel tawk lo a awm tih leh zirlaiten an zir tur tam tak an zir lo tih an hriat avangin MZP chuan a chhui chiang a, he zirna in in zirlaite course fee lak loh tur tih chu thla tin an lâk bakah zirna pawh a mumal lo hle a, an course neih loh te pawh zirtirna insawiin pawisa tam tak an phût thin a, Solomon Vala hian zirlai, a tak awm si lo, zirlai lem engemawzat neiin heng hmangte hian sorkar-ah hamthatna a dil bawk a, a zirlaite hi certificate lem leh marksheet lem te a siamsak thin bawk tiin MZP thu chhuah chuan a sawi. Kum 2012 atanga zir tawhte pawh vawiin thlengin certificate mumal pêk tur a la nei lo a, zirlaite hmakhua tihchhiatsak vekah MZP chuan a puh.

Hetianga Solomon Vala’n thil a kalpui avang hian MZP chuan October 4, 2016 khan Zonuam Police Out-Post ah FIR an thehlut a, police te leh Mizoram Agro & Allied Products neitute chu indawrin, zirlaite sum senso zawng zawng chu nikum tawp hmaa pe kir leh vek tura tih a ni a.

Mahse, an pêk theih tak loh avangin MZP chuan tun thla ni 2 khan an General Secretary L Ramdinliana Renthlei hmingin Zonuam Police Outpost-ah FIR an thehluh nawn leh a. Police-te chuan FIR bawhzui hian Solomon Vala chu March 7 khan an man ta a, mi bum thubuai IPC 420 leh mi bum nana thil lem siam chungchang IPC 465 hmangin thubuai an siamsak a. An man ni hian Court ah hruai niin police te ngen angin Court chuan darkar 24 kawl a phalsak a, nimin khan Court ah a inlan leh tura tih a ni a, he thu ziah lai hian eng nge thleng hriat a ni hman lo.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s