Rev Chanchinmawia thih dan chungchang sawichhuah lehna ah mi pahnihin Court ah complaint thehlut

Kum 2007 October thla-a thi Rev Chanchinmawia thih dan chungchanga tun hnaia MNF party in tu emaw thah tir ni-a sawi Thansanga, Chhinga Venga cheng lakah tun hnai khan PAMRA President B Zorampara leh MNF General Secretary Laldinthara-te’n Aizawl District Court ah complaint an thehlut.

Thansanga thuziak pakhat Rev Chanchinmawia thih dan chungchang chu tun hnai khan social media ah vawrhdarh a ni a, Thansanga sawi dan chuan MNF party President, khatih laia Chief Minister Zoramthanga’n amah chu Rev Chanchinmawia that turin a ti niin a sawi a, Thansanga hian CM ngenna chu a tihhlawhtlin duh loh avangin CM chuan PAMRA President B Zorampara chu  a ti leh a, B Zorampara chuan Manipur-a hel pawl ruaiin an that ta niin a sawi a ni.

Thansanga thusawi chungchangah hian PAMRA President B Zorampara chuan March 6 khan Aizawl District Court-a Chief Judicial Magistrate mawhphurhna la mektu T Lalhmachhuana hnenah Thansanga lakah hian complaint a thehlut a, MNF General Secretary Laldinthara pawhin Thansanga lakah hian March 7 khan complaint a thehlut ve bawk.

PAMRA President leh MNF General Secretary te complaint thehluh hi Court chuan pawmin intihhmingchhiatna thubuai a ziaklut a, mahse, thubuai hi Criminal Case ni mahse, Civil Case anga kalpuiin complaint lehkha copy chu Thansanga hi pe ve in sawi duh a neih te sawi hun a siamsak dawn a, mi pahnihte complaint thehluh ah hian thiam loh a chang a nih chuan man a ni dawn chauh a ni.

Mizoram Synod Moderator hlui leh Mizoram People Forum President hlui Rev Chanchinmawia hi October 1, 2007 zing khawvar hnu ah Khatla-a a quarter-ah thi-a hmuh a ni a, a taksa ah hliam hmuh a ni a, a thih tirah mahni intihlum anga hriat lar ni mahse, Synod puipaten thil awm dan an enfiah hnuah mahni inthat ni lova an hriat avangin Police Station ah FIR an thehlut a, hemi ni hian Khatla Kohhran Biak Inah Pastor vui dan pangngaiin vui a ni.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s