ACB-IN NIAS LEH SORKAR IN DAWR DAN CHHUI DAWN

NIAS zirlai C Laltlanmawia complaint thehluh bawhzuiin Vigilance Dept  chuan Kolkata-a he zirna in leh khatih laia sorkar aiawha thuthlung ziaktute leh a hnu-a inhnamhnawiha “pawisa siam” ni-a puh te chungchangah ACB-in enquiry neih a phalsak

nias
C Laltlanmawia

Nalanda Institute of Advanced Studies (NIAS), Kolkata-a dan lova sum hmanga Mizo zirlai 32 tirh an nih dan chungchanga he zirna ina lo zir ve tawh thin C Laltlanmawia’n eirukna thubuai a thehluh chu tunhnai khan Vigilance Department in Anti-Corruption Bureau chhui turin a hriattir a, ACB hian tunkar March 15 khan preliminary enquiry a ziaklut.

C Laltlanmawia hian a complaint ah chuan sorkar hnathawk leh NIAS-a thawk te chuan zirlai engemaw zat buma cheng nuai 128 chuang hmangsual leh pawisa siam ah a puh a. A complaint hi October 26, 2016 khan a thehlut a, puhmawh zingah hian Joint Secretary rank aia official senior an awm avangin ACB chuan October 28 khan Vigilance Department hnenah a thawn phei a ni.

Vigilance Department chuan a puhna te hi zirchiangin November 10 khan Labour, Employment and Industrial Training (LE&IT) Department ah sawi tur an neih leh neih loh a zawt a. Hei hi chhan mai a nih loh avangin Vigilance Department chuan February 9, 2017 khan a zawt nawn leh a.

Mahse LE&IT chuan tun thlengin a la chhang lo zel a, department chhanna tel lo chuan Vigilance Department-in ACB hnenah preliminary enquiry tan phalna a pe ta mai a ni.

C Laltlanmawia hian ACB hnena a complaint thehluh ah hian mi pali hming hmerhin a sawi lang a, chungte chu NIAS ah zirlai thawn an nih dawn thu advertisement chhuah tu, khatih laia Mizoram Building and Other Construction Workers’ Welfare Board Secretary leh LE&IT Director ni bawk Rotluanga te, NIAS aiawh ni-a sawi Esther Lalnunfeli, Republic Veng ami te leh NIAS-a Mizo zirlai te’n an zirna in dinhmun an sawisel hnu-a a hmunhma zirchiang tura Kolkata-a kal, MBOCWWB-a Assistant Welfare Commissioner Francis Lianmawia te leh Labour Officer Lalmuanpuia Fanai te an ni.

ACB in preliminary enquiry an kalpuina ah erawh hi chuan mi puhmawh sa nei lo in an chhui phawt dawn a, an chhuina chu thla thum emaw hnu velah Vigilance ah an thehlût leh ang a, a awm a nih cuan eirukna thubuai puitling an ziak lut chauh tura ngaih a ni.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s