Engvangin nge March 1 ah sorkar hnathawk tam tak an pension thup?!

Sorkar hnathawk pension zingah March 1-a pension an tam ber a, hlawh punna ei hman lo tura July 1-a pension tir an tam bawk

26514804

Tun hma lamin zirlai te chu pawl 10 an exam dawnin an zirtirtute’n an pianni, kum leh thla an ziah sak thin a, hei bakah hian sorkar hna an thawh dawnin March 1-a an kum zat ziah a ngaih thin avangin tun thlengin sorkar hnathawk zingah March 1-a pension an tam ber a, pension tawh zinga za-a 50 dawn chu hemi ni-a pension an ni a, hei bakah hian mahni duhthlanna-a pension te chu hlawh punna ei hman lo in July 1-a pension tir an ni thin.

Accounts & Treasuries (A&T) Office atanga The Frontier Despatch (TFD) thu dawn danin, tun hma lamin zirlai te chu pawl 10 an exam dawnah an zirtirtute’n an pianni, thla leh kum an ziah sak thin avangin March 1-a piang hi an tam hle a, hei bakah hian tun hma lam khan sorkar hnathawk thar turte chu tunlai angin pianni, thla leh kum ziah a ngai lo a, March 1 ah kum engzat nge an ni tih ziah mai tur a nih avangin vawiin thlengin sorkar hnathawk zingah March 1-a pension an tam ber niin an sawi a, hetianga mahni pianni, thla leh kum dik tak ni lo-a pension hi tun atanga kum 20 hnu velah chuan a reh ve mai an beisei niin an sawi a. Kumin March 1-a pension pawh tam tak an awm thu leh pension zinga za-a 50 dawn chu March 1-a pension an nih thu an sawi.

A&T office chuan sorkar department ah Education chu a len ber avangin pension pawh an tam ber a, March 1-a pension pawh an tam thin hle niin an sawi a, Education department ni lo ah chuan police department pawh department lian an nih avangin pension an tam hle niin an sawi.

July 1-a pension an tam thin chungchang zawhna chhangin A&T hnathawk te chuan, kum tin kum tir lamah mahni duhthlanna-a pension duhte’n dilna an thlen thin a, sorkar chuan hetianga mahni duhthlanna-a pension duh te hian sorkar sum an ei hêk loh nan July 1-a an pension tirin hlawh punna (increament) an ei hêk loh avangin July 1-a pension an tam thu an sawi bawk.

Hei bakah pension zingah December 31-a pension pawh an tam thin hle niin an sawi.

 


One thought on “Engvangin nge March 1 ah sorkar hnathawk tam tak an pension thup?!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s