India ramah kum engemawzat Mizoram GSDP hniam ber tawh

Mizoram dinhmun veitute’n sawihona ah statistics changtlung zawk mamawh ti, Planning Board Vice Chairman in ban phâk tawkin hmasawnna kawng dap ngai ti

 

Tunhnaia India-a news magazine darhzau ber India Today-in ramchhunga state 29 zingah Mizoram Gross State Domestic Product (GSDP) a hniam ber ti-a a chhuah chu March 15 khan ram hruaitu thenkhat, zirna lama mi thiam, tlawmngai pawl thenkhat hotu te’n an sawi ho a.

He sawihona huaihawttu Zoram Research Foundation thu chhuah chuan “engemaw ti zawng takin mi a barakhaih avang leh ngaihtuah zui tur thil tam tak mi thinlungah a chhawp chhuah sak avanga he sawihona hi buatsaih a nih ber thu tarlan a ni a. Mizoram chungchanga thu dik tawk lo tihchhuah a nihin Mizo mipuiin kan lo ngaihmawh chu kan tihtur diktak a nih thu sawiho a ni,” a ti a. Sawihona ah chuan kalkhawmte sawi tam ber chu “data leh statistics dik kan neih deuh deuh a tul zia uar takin an sawi,” thu te, “data phuahchawpin kan GSDP a tihrinhlehawm dante sawi lan a ni,”  thu te leh “Economics & Statistics Department hian Department dang zawng zawng data-te hi ‘vet’ vek thei se duhthusam a ni,” an tih thu te ZRF thuchhuah chuan a tarlang a, Mizoram a eizawnna nghet ber lo neih ah erawh chuan tan lak a ngai hle thung nia sawi an awm bawk.

Hetih rual hian NITI Aayog chhinchhiah dan chuan 2004-05 leh 2008-09 chhung khan Mizoram hi state zinga GSDP hniam ber dawttu ani thin a, a aia GSDP hniam awm chhun chu Sikkim ani. Mahse kum 2009-10 atanga 2015-16 chung zawng kha chuan Mizoram hi GSDP hniam ber a ni ta char char a, hei hi a GSDP a tlakhniam vang nilovin Sikkim GSDP a pun nasat vang ani thung.

ZRF sawihonna huaihawt a tel te zingah hian Mizoram Planning Board Vice-Chairman Liansailova [pawh a tel ve a, ani chuan Mizoram GSDP a 18.75% chauh hi agriculture sector-in a thawhchhuah a nih thu leh 25.61% chauh industry sector thawhchhuah a nih laiin 58% zet chu service sector thawhchhuah a nih thu sawiin Mizoram hi sorkar hnathawkte hlawha chawm kan ni reng chu thil fel lo tak a nih thu a sawi a.

“Hmasawn tur chuan market economy-a kan luh a tul thu leh common facility tih changtlun a tul thu a sawi a. Kan ban phak tawk kan hriat fuh a tul thu sawiin Cold Storage siam belh vak aiin agriculture link road-laih belhte, bazar tha leh changtlung zawk sak belhte chu kan mamawh hmasa,” a ti.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s