KUM 2016-17 CHHUNGA SORKAR HNATHAWK DAMLO INENKAWLNA SENSO CHENG VBC. 78.09: LALSAWTA

Mizoram sorkar chuan kum 2016-17 chhungin a hnuaia hnathawkte damlo inenkawlna – Medical Reimbursement (MR) Bill – atan cheng vbc 78.09 a seng tawh a, Police Department bik chuan cheng vbc 13.83 seng tawh in hnathawkte damlo enkawlna’n sorkar department 60 zingah a seng hnem ber ani.

Tukin (March 20) a State Assembly-ah Finance Minister Lalsawta’n opposition MLA Er Lalrinawma unstarred question a chhanna a a lan dan chuan department 16 aia tlem lovin MR bill atan cheng vbc khat chuang theuh an seng tawh a, heng department te zingah hian MR Bill-a seng hnem ber dawttu chu School Education Dept (cheng vbc 11.23) ani a, a pathumna chu PWD (cheng vbc. 8.57) ani.

Department hrang hrang zinga MR Bill a cheng vaibelchhe khat chuang seng te chu Health Services (cheng vbc. 5.09), Higher and Technical Education (cheng vbc. 3.82), Hospital and Medical Education (cheng vbc. 3.63), Secretariat Administration (Accounts) (cheng vbc. 3), Public Health Engineer (cheng vbc. 2.47), Forest (cheng vbc. 2.18), Power and Electricity (cheng vbc. 1.77), Food, Civil Supplies and Consumer Affairs (cheng vbc. 1.58), Agriculture (Crop Husbandry) (cheng vbc. 1.57), , Animal Husbandry and Vety (cheng vbc. 1.29), Transport (cheng vbc. 1.06), Horticulture (cheng vbc. 1.02), leh Social Welfare (cheng vbc.1.01) te an ni.

Kar kalta March 16 a Mizoram Budget 2016-17 a pharh khan Finance Minister chuan, “Medical Reimbursement hi sorkar sum luanralna hlawm lian deuh mai a ni bawk a. Bill a tam thin em avangin pekchhuah theihloh a inchhek khawm nasa tin hle a,” a ti a, MR Bill chungchangah hian inkaihhruaina thar a chhuak tep tawh tiin “sorkar sum sen thin hi damlo leh an chhungte’n tiuar chuang si lova nasa taka tihhniam theih ngei kan inbeisei a ni,” a ti bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s