2018 TINZAWNIN MNF-IN SEDP TLANGZARH

Zoramthanga

MNF party chuan kum 2018 inthlanna lo awm tur enzawna mipui hmaa an inzawrhna, Socio Economic Development Programme (SEDP) an tih chu vawiin (March 23) khan Vanapa Hall, Aizawlah an tlangzarh.

SEDP tlangzarh paha thusawitu MNF President Zoramthanga chuan Pathian leh mipui zara 2018 Assembly inthlana an sorkar chuan chhungkaw tinin eizawnna nghet kum tin cheng nuai 5 chuang an lakluh theihna tur ruahmanna an kalpui dawn niin a sawi a, “SEDP chu NLUP anga cheng sing bi den dena sem a ni ve dawn lo a, chhung tinin eizawnna nghet an neih thlenga chhawmdawlna leh tanpuina a ni dawn a, eizawnna nghet nei turin cheng nuai thum tal neih a ngai tih kan hria,” a ti bawk.

Zoramthanga chuan chaw-a intodelh a pawimawh tiin, “Chaw-a intodelh hi kan tum bulpui ber a ni a, chaw han tih hian buh, wheat, sa, hriak leh thlai hrang hrang te a huam a. Mizoramah hian leileta siam theih ram hectare 70,000 chuang a awm a, khawl hmangin heng ramte hi leileta siam a nih chuan chaw-a Mizoram intodelhna khawp a thar theih dawn a ni,” a ti bawk.

Chief Minister hlui Zoramthanga chuan SEDP hnuaiah mitinin thawhchhuah an neih theih nan ruahmanna siam a ni a ti a, damloh nikhuaa man lova inenkawlna te leh Mizoram thawhchhuah (Gross Domestic State Product) tihsan te chu an party tum a ni tiin Mizo contractor te tan a tam thei ang ber hna siam a nih theih nan Mizoram Construction Corporation din an tum thu te, lehkha thiam hna hmu lo te tan unemployment allowance thla tin pek an tum thu te, journalist te hamthatna tur an ruahman thu te, lo neitute hamthat nan crop insurance leh price support siam an tum thu a sawi a, SEDP kalpui nan budget ah sum an dah tur thu a sawi bawk.

SEDP tlangzarhna inkhawm hi MNF Sr. Vice President Tawnluia’n a kaihruai a, an party Vice President Dr R Lalthangliana, SEDP Drafting Committee Vice Chairman ni bawk pawhin thusawiin SEDP chu MNF party manifesto a ni lo a, an sorkar huna an kal dan tur a nih thu a sawi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s