MARA ZIRLAI TE’N AIZAWL ZOTLANGA MARA HOUSE AN DANG CHAT

Mara Students Organisation (MSO) Joint Headquarters Aizawl chuan Aizawla Mara Boys leh Girls Hostel sak mek chu hun tiam chhunga sak zawh hman a nih dawn loh avang leh sak chhunzawm a nih loh avangin vawiin (March 23) atang khan Aizawl Zotlanga Mara House chu tiam chin awm lovin an dang chat a, Mara House ah hian luh leh chhuah an khap a ni.

IMG_6800

MSO hruaitute chuan sorkar laipui, Mizoram sorkar leh MADC hotute duhsakna in Aizawl ah mipa leh hmeichhia te tan hostel sak a nih thu an sawi a.

Boys Hostel hi Zotlangah sak a ni a, contractor chu K. Beiparylai niin KT Rokhaw-a’n a sa a. Girls Hostel hi Chawlhhmunah sak a ni a, contractor chu Laibi Chozah niin a satu tura tih chu H Sahlo a nih laiin NC Chakhei-a’n a sa niin an sawi a.

Hostel pahnih hi kum 2014 khan sak tan niin kumin April thla-a zawh tura tih a nih thu an sawi.

MSO hruaitute chuan hostel pahnih sak nan hian cheng nuai 269.13 ve ve ruahman a ni an ti a, contractor te hian 1st leh 2nd installment cheng nuai 405.65 (75.35%) an dawng tawh a, heti chunga an sa zo duh lo leh nikum December thla laihawl atanga hna an chhunzawm duh ta lo chu pawi an tih thu leh zirlaite ngaihpawimawh lohna ni-a an ngaih thu an sawi.

MSO President K Zasona chuan Mara hostel pahnih sak mek chungchangah hian March 13 khan thu chhuah an siam thu leh chutah chuan ni hnih chhunga hna chhunzawm turin MADC leh contractor te an hriattir niin a sawi a.

An thu chhuah hi MADC CEM RT Zachono chuan March 21 thleng hun pe turin a ngen ni-a sawiin, CEM ngenna hi March 21 thlenga an nghah hnu-a hostel sak chhunzawm a nih loh avangin lungawi loh nan vawiin (March 23) atang khan Mara House chu tiamchin awm lovin an dang chat ta niin a sawi.

K Zasona chuan MADC atanga thu lawmawm an hmuh hma loh chuan Mara House hi dah chhunzawm an tum niin a sawi bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s