IAS OFFICER RETIRED LAKAH PSEUDOEPHEDRINE (KHEHPUAM) VANGIN COURT-AH COMPLAINT THEHLUT

Robert Hrangdawla

Mizoram Chief Information Commissioner (CIC) hlui, Indian Administrative Service (IAS) officer retired Robert Hrangdawla lakah Health Department hnuaia Food and Drugs Administration (FDA) chuan tunhnai khan pseudoephedrine lei leh hralh chungchangah criminal complaint court-ah a thehlut a, court chuan Robert Hrangdawla hi April 7 ah a hmaa inlan turin thu a pe.

Joint Director, FDA, Lalsawma’n The Frontier Despatch (TFD) a hrilh dan chuan, taxation hnathawk te’n tunhnai khan Lengpui airport ah khehpuam tia hriat lar pseudoephedrine parcel panga (5), a vaiin mum nuai sawm (10) emaw vel chu rinhlelh thil thu ah an man a. Lehkha pawimawh te an enfiah hnu ah thil felhlel awm a an hriat avangin FDA hnenah hian an hlanchhawng ta niin a sawi.

“[Robert Hrangdawla] hian [pseudoephedrine lei leh hralhna’n] hian license a nei a, a valid a, a lei theiin a hralh thei a, amaherawhchu, a disposal [a hralh chhawn na] kha kan duh a, record a maintain miah lo a. Chuvang chuan a dispose na kha a hriat ta loh a. Pseudoephedrine reng reng hi a hlawm a an hralh anih pawhin license holder vek hnenah an hralh tur a ni a,” tiin Lalsawma chuan a sawi a, hei vang hian Drugs and Cosmetics Act section pali vel hmangin complaint hi court ah an thehluh thu a sawi bawk.

Lalsawma chuan Robert Hrangdawla hian license hmangin thla tin tunhnaia airport-a taxation hnathawk te’n an man zat ang kha thlawhna hmangin vawi thum atanga vawi nga vel a chah lut thin niin a sawi a, pseudoephedrine hi a lo thlen zin em avangin taxation hnathawkte chuan ringhlelin an lo endik ta niin a sawi bawk.

Robert Hrangdawla hi man (arrest) a la ni lem lo a, mahse, court ah criminal complaint a luh takah chuan court chuan April 7-ah a hmaa inlan turin summons a pe niin TFD chuan thu a dawng a, a thu sawi duh te a ngaihthlak sak hnu ah engtin nge bawhzui zel dan tur chu thutlukna a siam ang.

A tlangpui thu in khehpuam hi Excise & Narcotics Department hnathawk te’n emaw Police te’n emaw ruihhlo beihna dan Narcotic Drugs and Psychotropic Substances Act hnuaiah an man thin a. Excise & Narcotics a hnuchhuitute chuan kum 2015 October thla khan Robert Hrangdawla hi khehpuam tawlhru a an rinhlelh avangin man ANlo tum tawh nghe nghe a, nimahsela, license a neih miau avangin case an siamsak thei lo niin TFD chuan thu a dawng bawk ani.

TFD chuan hemi chungchangah hian Robert Hrangdawla phone in a bia a, ani chuan a lakah complaint thehluh a awm leh awm loh a hriat loh thu sawiin court summons a la hmu lo niin a sawi a, disposal record a maintain lo nia sawi chungchangah, “Record kan neih leh neih loh chu kan la hria ang chu,” a ti a, Court-a thu kal mek (sub-judice) thil anih chuan engmah a sawi duhlo a ti bawk.


12 thoughts on “IAS OFFICER RETIRED LAKAH PSEUDOEPHEDRINE (KHEHPUAM) VANGIN COURT-AH COMPLAINT THEHLUT

  1. Hetiang hian kan ram a mi hausa ho hian khehpuam hi chu an va han tawlh nasa dawn em aww… Court a inlan hun khi hun a pe Tam mah mah Ani.. Disposal a lem alo. Siam țeuh ange.. Mi thenkhat a tham bawk. Anga.. Ruk ru ho ai hian Heng hi keichu ka haw zawk.. Sala..

    Like

  2. A awmna veng YMA khan a in kalh sak rawh u. Sual palzam a a christian lo tih fo hi sual ti huaisartu sual dik tak zawk chu a ni. Khehpuam ti lo hian sum a ngah tho awm teh reng nen. Hetiang mi hausain khehpuam an kheh tlat h chu ram hmelma dik tak an ni.

    Like

  3. Chhuichiana hriatchian pawimawh hle mai, kan țhalaite a tibuai nasa ta khawp mai he damdawi hian. Roreltute chu chunglam Pathian remruat an ni a, dik takin ro an relnan leh thiamloh changtu chuan a phu tawk hremna a hmuh ngei nan Pathianin ro relsak rawh sse

    Like

  4. Disposal record neih leh neih loh chu kan la hria ang chu tih hian thil tam tak a hril thei awm e. Hun tam tak min pe a, ka la inchingfel hman khawp ang a tihna a ni mai lawm ni.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s