MAU AH HNIANGHNAR SI, MAU HMANGA HMASAWNNA RUANGAM AWM SI LO

Mizoram Assembly hnuaia Committee on Estimates chuan Bamboo Development Agency chu State Bamboo Mission nen infintir a, a fawng chelhtu, cheng vbc 56 emaw hmang ral chunga hmasawnna ruangam pakhatmah siam si lo Industries Dept atanga inmihran tir a rawt  

wp-1490429354236.jpg

Sum hman dik loh leh pelhe a tam em avangin Assembly Committee on Estimates chuan Mizoram maute tangkai taka hman dan tur buaipuitu Bamboo Development Agency (BDA) chu a ruangam siamthat a, kum 13 chhung BDA fawng a chelh laia cheng vbc 56 emaw lai seng si-a mau hmanga hmasawnna ruangam awmze nei pakhatma siam lo Industries Department hnuai atanga lâk chhuah ni se tiin rawtna a siam.

Thawhtanni, March ni 20-a Committee on Estimates in a report 6-na Assembly House-a a pharh-ah hian nikum March ni 29-a he Committee vekin Assembly-a report 5-naa rawtna a siam chungchang sorkarin a bawhzui dan tarlan a ni a. Sorkarin a chhan danah hian Committee chu a la lungawi lo hle a ni.

A hmalama rawtna a lo siam zulzuiin BDA ruangam siam tha a, Chairman atan MLA ni lai pakhat ruat ni se, Industries department hnuaia awm BDA leh Environment and Forests department hnuaia awm State Bamboo Mission te hi pumkhatah siamin Mizorama mau leh raw hausakna hmang tangkaia tihmasawn turin agency pakhatah dah ni se a ti a.

Committee on Estimates chuan BDA hian sum tam tham tak a hmang dik lo mai ni lovin mau hmanga thil siam chhuahna industrial unit-te hmangin hna pakhatmah siam belh a ni bawk lova, hemi avang hian sorkar hian a kalphung leh policy hi a thlak vek a ngai niin ngaihdan a tarlang a. BDA hnuaia project zawng zawng pawh ennawn leh vek ni se tiin Committee chuan rawtna a siam bawk.

wp-1490429452438.jpg

The Frontier Despatch (TFD)-in a hmalama a lo ziah tawh angin Mizoram hausakna lian ber chu mau leh rua a ni a, a ram leilung hmun nga-a then hmun thum deuhthaw-ah mau leh rua hi awmin chin leh enkawl ngai lo a ni a. Mizoramah hian mau leh rua chi hrang hrang 27 a awm a. Environment, Forests and Climate Change department official-te’n an chhût danin mautuai/rawtuai ei tura lâk bakah hralh sum atana hman nena chhêtin kum tin cheng vaibelchhe 24 chu mau leh rua atang hian Mizoramin malsawmna a thlen a ni.

Mau leh ruate hmang tangkai a, a hman tangkai dan tur rel fela, phuna ti hmasawn tura din Bamboo Development Agency hian mau leh raw hman tangkai dan hrang hrang chi 30 vel chhawp chhuakin mauhawl, bungraw siamna, kuang siamna leh thiamhnang atan te tangkai takin a hman theih niin an sawi a.

Mahse, he BDA hian mau leh raw hmang tangkai tur hian a tihtur inchhawp hi engmah a ti lo tluk niin Committee of Estimates report, nikuma Assembly-a pharh chuan a tarlang.

Committee on Estimates hmasa, Lalrinliana Sailo kaihhruai khan BDA General Manager R Lalrodingi leh BDA-a thawk dang zawng zawng, kum 14-a upa he agency lo enkawltute chu sorkara hna pawimawh engmah khawih tawh lo tur dinhmuna dah ni se tiin a rawt a, R Lalrodingi chu a mawhphurhna hlih sak nghal turin a rawt a.

Committee on Estimates Chairman ni lai PC Zoramsangliana leh member dangte hnenah sorkar chuan R Lalrodingi  leh official dang te hi BDA enkawl tir an ni tawh lo tiin a sawi a, project khawih theihna hna engmah an chelh tawh loh thu a sawi bawk. TFD-in thu a dawn danin R Lalrodingi hi dinhmun pawimawh tak, Industries department-a Joint Director senior-in an chelh thin General Manager, District Industries Centre (DIC), Aizawl-ah dah mek a ni.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s