CHAMPHAIAH BAWNG VULHTUTE’N DVO PISA KAI TUR DANG

 

chamhpai

Champhaia bawngvultute’n December 2015 atanga May 2016 chhunga an bawnghnute bill an lak theih loh avangin vawiin atangin an bawnghnute lei saktu CHAMUL Managing Director, Dr Lalchungnunga Pudaite, Champhai District Veterinary Officer ni bawk pisa kai tur an dang.

Champhaia bawng vulhtute’n The Frontier Despatch (TFD) an hrilh danin an bill lak theih loh avang hian harsatna tam tak an tawk a, thenkhat phei chuan bawng pawh an vulh theih tawh loh avangin an ti riral niin an sawi a, an bawnghnute man an hmuh theih loh avangin ran chaw man an bat te pawh an rul thei lo ni-a sawiin ran chaw man an bat sakte hian April 3 ral hma-a pe tura an tih pawh an pe thei lo niin an sawi.

Bawng vulhtute chuan bawng lei nana loan an lak te pawh an rulh theih loh avangin an dah kham te an chan mai ang tih an hlau hle niin an sawi bawk.

Bawng vulhtute hian an bawnghnute man an hmuh theih loh avanga an mangang chuan March 27 khan hmalak an lo tum tawh a, AH & Vety Dept. Jt. Director leh Dy. Director te nen inbia in an ngenna angin an bawnghnute man hi an hmuh theih nan March 29 thleng an nghak leh a, March 29 hian Champhai Asst. Registrar of Cooperative Societies leh Chief Veterinary Officer te ngenna avangin April 3 thleng an nghak leh a.

Mahse, vawiin thenga an bawnghnute bill an hmuh theih loh avangin a mawhphurhtu bera an ngaih CHAMUL MD chu sawn chhuah a nih dawn avangin a pisa kai tur hi an dang ta a ni.

Champhaia bawng vulhtute chuan rim taka an thawhchhuah an pawisa an hmuh hma loh chuan Chamul MD (DVO) chu pisa kai lo tur leh Champhai chhuahsan lo tura dan an tum a ni.

TFD chuan Champhai DVO Dr Lalchungnunga Pudaite a bia a, ani chuan bawng vulhtute an punkhawm hma in pisa a kai hman tih a sawi a, hemi hnu hian Bawrhsap pisa ah meeting tura kalin pisa kai leh a tum thu a sawi a. Vety Dept hian transfer pangaiin Aizawlah an sawn niin a sawi.

IMG-20170405-WA0011

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s