MADC INTHLAN HUN PUAN HAR CHUNGCHANG ZAWTFIAHIN SIAHA MLA DR K BEICHHUA SEC OFFICE AH LENG

Inthlan la puan loh chungchangah MNF MLA chuan Congress-in SEC a thuhnuaiah a dah niin a sawi a, SEC Secretary chuan inthlan puang turin theihtawp an chhuah mek a ti thung

Dr Beichhua SEC ah leng
PHOTO: Lalnunzira Chawngthu

Siaha bialtu MLA Dr K Beichhua chu vawiin khan Tuikhuahtlanga State Election Commission Secretary pisa ah lengin tun thlenga Mara Autonomus District Council (MADC) inthlan puan a nih loh chhan a zawt.

 

Dr Beichhua-a’n The Frontier Despatch (TFD) a hrilh danin MADC term hman mek hi May 4, 2012 khan vote thlaka inthlan a ni a, kumin hi inthlan kum niin term hmasa ang chuan May 4-a vote thlak leh tura beisei a nih laiin vawiin thlengin State Election Commission chuan Election Schedule a la puang lo chu thil mak tak niin Congress party in SEC chu a thuhnuaiah a dah niin MNF party chuan a ngai niin a sawi.

 

Siaha MLA chuan District Consultative Committee meeting ah pawh election hriattirna chu April 3-a chhuah a, vote thlak chu May 4-a ruahman a nih thu te an sawi a, harsatna engmah awm lo-a SEC in inthlan hriattirna an chhuah tura an ngaih laiin vawiin thlenga SEC in inthlan hriattirna a chhuah lo chu sorkar laiin a thuhnuaia a dah vang ni-a an ngaih thu leh, hei hi democracy rahbehna niin a sawi.

 

Hemi chungchangah hian TFD zawhna chhangin SEC Secretary Teresy VL Hruaii chuan MADC inthlan hun puang tur hian theihtawp an chhuah chungin an inpeih hman lo a, inthlan hun puang turin theihtawp an chhuah niin a sawi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s