CHAPCHAR KÛT 2017 HMANNA SENSO NUAI 53, AIZAWL AH NUAI 38.04, DISTRICT DANG PASARIH AH NUAI 15

rt March 3-a Mizoram hmun hrang hranga Chapchar Kût hmanna ah khan cheng nuai 53 hman ral a ni a, a hmanna pui ber Aizawl ah cheng nuai 38.04 hman ral niin District khawpui dang pasariha Chapchar Kût hman nan cheng nuai 15 pek a ni.

The Frontier Despatch (TFD) in RTI dan hmanga Art & Culture Department-a kumin Chapchar Kût hmanna senso a zawh channa atanga a lan danin Chapchar Kût 2017 ah khan sorkar chuan cheng nuai 53 a hmang a, heng zinga nuai 49 chu Mizoram sorkar sum niin North Eastern Council atangin cheng nuai 4 hmuh a ni bawk.

Chapchar Kût hmanna pui ber Aizawl Lammual ah chuan cheng nuai 38.04 hman ral a ni a, District dang pasarih ah sorkar sum cheng nuai 15 (Lunglei ah nuai thum, District khawpui dang zawngah nuai hnih theuh) pek a ni bawk.

Chapchar Kût Organising Committee chuan Chapchar Kût hman tak kha hlawhtling hle in a hria a, state dang leh ram dang atangin Chapchar Kût hmanga rawn kal an awm niin a sawi bawk.

Hetih lai hian, RTI dan hmanga zawhna chhanna atanga a lan danin Aizawl ah bik hian VIP, official, police duty, sound duty leh chanvo/chanpual nei te (participants)  ei leh in ah Rs. 1,00,000 sen ral a ni a, sum senral hnemna ber chu Branch YMA 97-teRs.n hnam lam an entir lawmman a ni a, hetah hian Rs. 7,76,000 sen a, Chapchar Kût car flag & Decoration flag atan Rs. 1,00,000 hman a ni a, Organising Committee refreshment ah Rs. 30,000 hman a ni bawk.

Aizawla senso leh District dang pasariha senso inthlauh chungchangah Chapchar Kût 2017 Organising Committee Secretary Lalhmachhuana, Central YMA General Secretary ni bawk chuan Chapchar Kût hi hnam dang-teRs.n state dang leh ram pawn atanga an rawn chhim theihna atan kum dang aia ropui leh tih hlut tumin tan an la a, hei hian senso a ti sang niin TFD a hrilh a, Nagaland in Hornbill Festival ropui takin an hmang a, nasa takin khualzin an hip a, hetiang ang deuh hian khualzin hip nana ruahman a nih thu a sawi a, hei bakah hian kum danga an tih ngai loh thil tam tak an ti a, chu chuan senso a ti sang niin a sawi.

Chapchar kut


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s