KHEHPUAM THUBUAI AH IAS OFFICER RETD COURT-AH INLAN

 

 

Vawiin (April 7) khan Mizoram Chief Information Commissioner hlui Robert Hrangdawla (retd) chu court thupek angin Aizawl District Court hnuaia court pakhat hmaah a inlan a, Health Department hnuaia Food and Drug Administration-in a laka pseudoephedrine (khehpuam ti a hriatlar) kaihhnawih thubuai a thehluh te chu ziak a pek/hriattir ani a, thla khat hnu ah a chhanna court hriattir ve leh tura tih ani.

Court hian Robert Hrangdawla’n chhanna a thehluh hnu ah thubuai hi a ngaihtuah tha anga, court sang zawk ngaihtuah chhunzawm tur anih leh nih loh te a la rel dawn ani.

Tarlan tawh angin, Indian Administrative Service (IAS) officer retired Robert Hrangdawla lakah hian Health Department hnuaia Food and Drugs Administration (FDA) chuan tunhnai khan pseudoephedrine lei leh hralh chungchangah criminal complaint court-ah a thehlut a.

Joint Director, FDA, Lalsawma’n The Frontier Despatch (TFD) a hrilh dan chuan, taxation hnathawk te’n Lengpui airport ah khehpuam tia hriat lar pseudoephedrine parcel panga (5), a vaiin mum nuai sawm (10) emaw vel chu rinhlelh thil thu ah an man a. Lehkha pawimawh te an enfiah hnu ah thil felhlel awm a an hriat avangin FDA hnenah hian an hlanchhawng ta niin a sawi.

“[Robert Hrangdawla] hian [pseudoephedrine lei leh hralhna’n] hian license a nei a, a valid a, a lei theiin a hralh thei a, amaherawhchu, a disposal [a hralh chhawn na] kha kan duh a, record a maintain miah lo a. Chuvang chuan a dispose na kha a hriat ta loh a. Pseudoephedrine reng reng hi a hlawm a an hralh anih pawhin license holder vek hnenah an hralh tur a ni a,” tiin Lalsawma chuan a sawi ani.

Vawiin court-a a inlan zawh hian Robert Hrangdawla hi TFD palai chuan he thubuai chungchangah hian sawi tur a neih leh neih loh a zawt a, ani chuan court ah chhanna a thehluh tur bak chu sawi tur a neih loh thu in a chhang.


2 thoughts on “KHEHPUAM THUBUAI AH IAS OFFICER RETD COURT-AH INLAN

  1. Kan ram ah hian thil diklo in phumru hi a va tam dawn em.. The Frontier Destpatch in fakawm tak zet zet e. Investigating Journalist tak tak in ni e.

    Like

  2. Licence chu a nei tlat a nih hi mawle. Mahse licence pawh a misuse theih thi va. Silai pawh licencenen a neih theih a mi kahhlum nana hman a nih erawh chuan crime a ni tho mai

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s