ZU NGAWLVEINA IN “PUMPELH THEIH LOH” NATNA A THLEN THEI: ASSEMBLY COMMITTEE

Mizoram Assembly hnuaia Subject Committee – III chuan BPL chhungkua damlo te inenkawlna senso tumsak theihna RSBY leh sorkar hnathawk awm lohna chhungkuateRs.n inenkawlna senso an bill theihna Mizoram Health Care Scheme hnuaiah zu avanga damlo te inenkawlna bill phalsak ni se tiin, a theih dan kawng a awm nge awm lo zirchiang turin Health Department hotute a hrilh

 

20150822_061409

Mizoram Assembly committee peng pakhat chuan zu ngawlvei leh zu in vanga damlo te damdawi ina an inenkawlna senso chu Mizoram Health Care Scheme (MHCS) leh Rashtriya Swasthya Bima Yojana (RSBY) hnuaia tum/rulh sak theih dan dap turin Health Department hotute a chah.

Mizoram Assembly hnuaia Subject Committee-III, Congress MLA R Vanlalvena chairman-na hnuaia thawk chuan thla hmasa (March)-a Assembly Session zawh fel tak ah khan committee report pahnih a thehlut a.

Chung report pahnih zinga pakhat ah chuan MHCS inrelbawl dana committee rawtna pali a chuang a, chung zinga pakhat chuan zu ngawlvei leh zu in vanga damlo te damdawi ina inenkawlna chungchang hi a sawi lang.

Report pakhat zawkah chuan RSBY inrelbawl danah committee rawtna pasarih a chuang a, chung rawtna pasarih zinga pakhat ah chuan RSBY sum hmanga zu ngawlvei leh zu in vanga damlo te tanpui theih dan a awm leh awm loh dap tura rawtna a siam bawk.

Committee chuan heng report pahnih ah te hian zu ngawlveina (“alcoholism”) chuan “pumpelh theih loh” (“unavoidable”) natna a thlen thei tiin a sawi a, chutiang natna chu Mizorama chhungkaw tam takin an tuar nachungin MHCS leh RSBY chuan a huam si loh avangin Health Department chuan huam tir theih dan chipchiar takin zir se la, hmalak dan tur duang rawh se tiin rawtna a siam a ni.

MHCS hian ril bawh natna (pancreatitis) leh thi-a luak leh kawchhunga thi put (GI Bleed) te chu huam mahsela, hetiang natna in a tlakbuak te hi zu vanga damlo an nih chuan a huam lo thung a. Scheme hnuaia tanpuina dawng thei chu zu vang ni lo (“non-alcoholic”), chhan dang vanga hetiang natna tuar te chauh an ni.

RSBY hnuaiah pawh hian zu ngawlvei leh zu in vanga damlo te inenkawlna senso rulh dan a awm chuang lo.

Tunhnai kum hnih kum thum kalta hian Mizoramah zu ngawlvei leh zu in nasa damlo leh nunna chan hial an tam tih chu khawtlang titi a ni a. The Frontier Despatch (TFD) thu dawn dan chuan Mizorama damdawi in lun/lian ber, Aizawl Civil Hospital-ah pawh zu kaihhnawih damlohna chi hrang hrang vangin 2014 leh 2016 inkar khan kum tin chawhrualin mi 120 dawn an boral ziah a ni.

ACH ah pawh hian zu kaihhnawiha damlo engemaw zat, MHCS-a inziaklut teRs.n an inenkawlna senso scheme hnuaia tumsak an phut thin a. Doctor te pawhin khawngaihin an damloh dan an ziahna ah scheme hnuaiah inenkawlna senso an bill ve theih nan an ziak ve thin bawk niin hnathawkteRs.nTFD an hrilh a.

Mahse, MHCS thuneitute chuan hei hi ngaimawhin an vil ve reng a, hetianga ti lo turin doctor te pawh an lo chah tawh thin a, heti a nih avang hian nikum (2016) kum laihawl vel khan ACH Executive Committee meeting ah pawh hospital hotuteRs.n zu vanga damlo chu scheme hnuaia an bill theih dan tura ziahsak tawh lo turin an hrilh nghe nghe a ni.

Amaherawhchu, tun hnaiah MHCS hotuteRs.n zu vanga damlote scheme hnuaia hmathatna hmuh tum an awm leh ta nia an hriat avangin ACH hotute hnenah thu an thlen leh a, tunlai hian hospital hnathawkte pawh an in hrilhhre thar leh mek niin TFD chuan thu a dawng.

 

ENG NGE MHCS LEH RSBY CHU?

MHCS hi sorkar laipui leh state sorkar hnuaia hnathawk awm lohna chhungkua ami te an damloh nikhua-a an inenkawlna senso tum/rulh sak theihna scheme a ni a, sum thawha scheme hnuaia inziak lut te chhungkua chuan damdawi ina an inenkawlna senso nuai 3 thlengin MHCS hnuaiah hian an hmu let thei a. Scheme hnuaia inziak lut chhungkaw member panga awmna te chuan kum khatah Rs. 500 chawiin kum khatah an inenkawlna cheng nuai khat thleng an bill thei a, chutiang zelin Rs. 750 chawi teRs.n kum khatah cheng 750 an bill thei a, Rs. 1,000 chawi teRs.n kum khatah cheng nuai thum thelng an bill thei bawk a ni.

MHCS chungchanga Subject Committee – III report pharha a lan dan chuan he scheme hnuaiah hian kum 2014-15 leh 201-16 chhung khan damlo 1,400 dawnin hamthatna an dawng a, a belhkhawmin an vai hian inenkawlna sensona man cheng vbc 25 chuang MHSC hnuaiah hian rulh/tumsak an ni tawh niin a inziak a.

RSBY hi Below Poverty Line (BPL) chhungkua te leh kut hnathawk mi chi hrang hrang te, taxi/auto driver te, mi ina inhlawhfa te leh kawngsir a eichawp zuar (street vendor) te an damloh nikhua-a damdawi ina an inenkawlna senso tum sakna scheme a ni thung a, RSBY smart card nei chhungkua te chu kum khatah cheng sing thum an inenkawlna man sorkar leh insurance company tangkawpin an tum sak thei thung a ni.


2 thoughts on “ZU NGAWLVEINA IN “PUMPELH THEIH LOH” NATNA A THLEN THEI: ASSEMBLY COMMITTEE

  1. Kan health care scheme hman mekte hian huam loh chin a ngah mah mah hi chu mipui nawlpui tan a pawi a ni. Smart card neite’n an hman tangkai theih dan chin pawh hi a khirhkhiap lu hrat niin an sawi thin bawk. Tun aia chhawrnahawm lehzual tura hmalak dan thawh khawm theih nise; hotute’n bawhzui ngei bawk se, a lawmawm ngawt ang.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s