JAPAN-A MIZO ZIRLAI TE TIRHNA AH DIK LO TAKIN NLUP SUM HMAN A NI: MNYF

 

MNYF President K Vanlalvena’n Japan rama Mizo zirlaite tirhna ah dik lo taka NLUP sum hman a nih thu leh heng sum te hi Chief Minister Lal Thanhawla remtihna in Labour Employment & Industrial Training (LE&IT) Department in NLUP Implementing Board atangin an la chhuak niin a sawi.

Vawiin (April 8) a Aizawl Press Club-a thuthar la khawmtute a kawmna ah K Vanlalvena chuan Mizoram sorkar in LE&IT Department kal tlangin kum 2015 December thla khan Japan ram, Nagasaki hmuna Kokoro College-ah Language Program, kum khat leh a chanve zir turin Mizo zirlai 15 a tir niin a sawi a, heng zirlai te hi North Eastern Education Consultancy (NEEC) leh Silver Peak Japan te kal tlanga tirh niin a sawi.

MNYF President chuan heng zirlai 15 te zirna tur hian zirlai pakhatah NLUP sum cheng nuai 11 zel LE&IT Department in a puk niin a sawi a, heng sum pukah hian zirlai pakhatin kum thum chhunga a rulh zawh turin LE&IT Secretary leh NEEC Coordinator-te’n hming an ziak a, mahse, an inremna ah hian loan rultu tur zirlaite’n hming an ziak ve lo a ti.

Vanlalvena chuan zirlai pakhat tan NLUP sum cheng nuai 11 an puk laiin a tak taka zir man chu hei ai hian a tlem daih niin a sawi a, ram dang atanga zirlaite chuan an course zir nan India pawisa cheng nuai 5 chuang awrh an hmang a ti a. Zirlaite hian an zir man to bik lutuk chungchangah an zirna in thuneitute hnenah an fee pekna receipt an dil a, mahse, college thuneitute chuan an agent kuta a awm thu an hrilh niin a sawi.

MNYF President chuan Japan rama zirlai 15 tirh danah hian cheng nuai 75 a bo a ti a, Mizo zirlaite Aizawl atanga Japan ram thleng an kalna senso chhut pawhin cheng nuai 6 a tling thei lo tiin a sawi.

K Vanlalvena chuan zirlaite hian Aizawl an chhuahsan hma in Japan tawng kum khat leh a chanve an zir chhungin hna an thawk pah dawn tiin a tirtute’n an hrilh niin a sawi a, hna an thawh chhung hian India pawisa in cheng nuai 20 vel an thawhchhuak hman dawn nia hrilh an nih thu leh an loan puk cheng nuai 11 pawh an rul zo thei dawn anga an hrilh laiin an lehkha zir chhung hian India pawisa cheng nuai sarih vel chauh an thawh chhuah leh tak si avangin zirlaite chu an lungawi lo hle niin a sawi a, hemi a nih avang leh zirlaite’n Aizawl an chhuahsan hma-a an zirna senso NLUP sum an puk rulhna turah hming an ziah ve loh avangin NEEC Coordinator Lianzami Khiangte chu thla hmasa khan Japan ramah a zin niin a sawi a, mahse, zirlai thenkhat chuan hming an ziak duh ta lo niin a sawi.

MNYF President chuan tute emaw eiruk rul tura zirlaite hming ziahpui tum chu an dem thu leh mawhphurhtu hrem an phut niin a sawi a, Japan rama dik lo taka zirlaite tirhna ah hian Chief Minister Lal Thanhawla inrawlh ah a puh a, LE&IT Secretary V Lalremthanga’n NLUP Implementing Board hnena cheng nuai 165 puk a dilna lehkha ah CM thupek a nih thu a ziah lan tel avangin he thila mawhphurhtu zawng zawng, CM pawh tela an phu tawk hremna pe turin MNYF in sorkar a phut niin a sawi.

Zawhna chhangin K Vanlalvena chuan, “LE&IT Department hian Japan ramah hian zirlai kan thawn lo an ti a nih pawhina  dikna chen chu a awm a, mahse, LE&IT Secretary in CM thurawn anga NLUP sum puk a dil leh Kokoro College thuneitute hnenah January 31, 2016 hma-a sum kan rawn thawn ang a ti hian heng zirlai tirhna ah hian thil dik lo a awm ngei a ni,” a ti a, Japan ramah hian Mizoram sorkar hian kum 2015 December thla khan zirlai 15 a tir a, kumin khan 34 a tir leh ni-a sawiin, tunah hian zirlai pakhat chu a rawn haw tawh a, NIAS Kolkata zirlai Laltlanmawia pawh zirlai awm tha duh lo ti tu sorkar chuan he zirlai pakhat rawn haw pawh hi zirlai tlanbo a tih duh leh mai a rinawm niin a sawi.

 


One thought on “JAPAN-A MIZO ZIRLAI TE TIRHNA AH DIK LO TAKIN NLUP SUM HMAN A NI: MNYF

  1. Opposition hian a sawi ringawt lo hian Evidence thatak nen an puhna hi base thin se…. a sawi thiam thiam hi Mizo mipui hian an support tawh lutuk lo
    Facts n Figure clear taka base hian in bei toh teh se.. Zeldin Thubawl vel vawrhdarh hian Mizo mipui min ti zahawm lo in min chhiat tir..

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s