KUMIN REMNA NI YMA KAIHHRUAINA HNUAIAH LAWM DAWN LO

Vawiin (April 10)-a YMA Central Executive Committee thu khawm chuan kumina Remna Ni, June 30-a lawm tur chu YMA kaihhruaina hnuaia lawm ni lo se tiin a rel.

“Remna Ni June 30 hman dan tur chungchangah CEC chuan, kumin 2017 Remna Ni chu YMA kaihhruaina hnuaiah chuan hman rih loh ni se a ti a ni,” tiin CYMA thu chhuak chuan a sawi.

Nikum (2016) khan Remna Ni kum sawmthumna chu YMA kaihhruaina hnuaiah lawm a ni a, khami tuma YMA hnuaia lawm a nih chhan ber chu political party te’n inchirhtheh nan an hman thin vang a ni ber a.

Vawiina CEC thu khawm thutlukna chhan sawifiahin Central YMA President Lalbiakzuala chuan lawmna huaihawt a hautak vang te leh nikuma YMA hnuaia lawm kha chu rel tawh sa anga hmalakna a ni a ti a, kum tina YMA hnuaia lawm tur tih a awm chuang lo niin The Frontier Despatch (TFD) a hrilh.

Chutih rualin CYMA chuan Remna Ni hnam tana a hlutna leh a pawimawhna sawi uar a duh chu a dinna ngai reng niin Lalbiakzuala chuan a sawi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s