PRISM-IN 2018 ASSEMBLY INTHLAN CHUH DAWN

IMG_20170410_121038_HDR.jpg
(Vei lam atangin) Dr H Lallungmuana,  Vanlalruata leh K Tlanthanga 

Eirukna do pawl PRISM hotute chuan vawiin (April 10) khan Aizawl Press Club ah thuthar thehdarhtute kawmin nakum 2018-a tualchhung inthlanpui awm tur chuh ve an tum thu an sawi.

Thuthar thehdarhtute an kawmna-a press statement an sem ah hian PRISM chuan inthlan an chuh tum thu chiang takin ziak lo mahse, thuthar thehdarhtu pakhatin tualchhung inthlanpui awm turah candidate te ruat in seat an chuh ve dawn tihna a ni em tiin a zawt a, PRISM President Vanlalruata chuan, “Ni deuh ber mai,” tiin a chhang.

Hetih rual hian Vanlalruata chuan political party anga inziah luh (registration) lamah hmalakna an la neih lem loh thu a sawi a, candidate tur awm ang te pawh meeting in a la rel chawp dawn niin a sawi.

PRISM Vice President, Mizoram Information Commissioner hlui K Tlanthanga chuan PRISM hi mi thenkhat chuan politics-a tel ve lo turin thurawn pe thin mahse, eirukna do lamah an hmalakna te’n awmze neih chin a neih thin avangin an ngaih pawimawh te siam tha thei tura politics zuan luh ve mai an rel thlu ta niin a sawi.

Lok Sabha member hlui, PRISM Vice President tho H Lallungmuana chuan an pawl in politics lama an hmalak tum dan ruangam sawiin, “[India rama film lar tak] One Day CM ang deuh kha kan mamawh niin kan hria,” tiin a sawi ve bawk.

PRISM President Vanlalruata sawi dan chuan he pawl ah hian membership fee pe mi nuai 1.7 an awm niin a sawi a, district tin ah sub-headquarters an neih bakah khaw 345-ah branch an nei mek a ni.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s