MAY 4 AH MADC INTHLANG DAWN, VOTE THLAK THEI MI 37,258

Mara Autonomous District Council inthlan hmachhawn chungchangah vawiin (April 12) khan State Election Commissioner L Tochhong chuan a pisa ah thuthar la khawmtute kawmin inthlan chungchanga thil pawimawh a sawi a, he inthlan atana hriattirna chu vawiin ah chhuah a ni.

Table

SEC chuan MADC term ding lai chu May 11, 2017-ah a tawp dawn niin a sawi a, MADC ah hian constituency 25 awmin Polling Station 80 an siam dawn a, Polling Station 80 zinga Polling Station 10 chu ven uluk ngai bik (Sensitive Area) ah puan an ni a, chungte chu:

  1. Tokolo Constituency-a Lomasu leh Bymari Polling Station
  2. Vahia Constituency-a Khaikhy Polling Station
  3. Chapi Constituency-a Chapi I leh II PS
  4. Chakhei Constituency-a Siaisi PS
  5. Laty Constituency-a Pala PS
  6. Amotlah Constituency-a Amotlah PS
  7. Chhaolo Constituency-a Chaolo I leh II PS

Amotlah Polling Station hi kum 2012 inthlana dan leh thupek kenkawh ngaihna a nih avang leh hmun dang zawng te hi India leh Myanmar inri-na hnaiha awm a nih avangin ven uluk zual ngai laia dah niin SEC chuan a sawi a, District Magistrate leh Superintendent of Police te chu dan leh thupek khauh taka kengkawh tura hriattir an nih thu a sawi.

L Tochhong chuan MADC inthlan atana hman tur Electoral Roll chu kumin February 21 atanga March 30 chhung khan ennawn niin Draft Roll ah voter 37,092 an awm a, Final Electoral Roll ah chuan voter 37,258 awmin voter 166 in an pung niin a sawi a, voter 37,258 ah hian hmeichhia 19,289 awmin mipa 17,969 an awm.

Siaha East II Constituency ah vote nei an tam ber a, mi 2,530-in vote an thlak thei dawn ani. Tokalo Constituency ah vote nei 922 awmin Constituency mala vote nei tlemna ber niin a sawi.

He inthlana vote thlak nan Electronic Voting Machine (EVM) hman a nih tur thu State Election Commissioner chuan a sawi bawk a.

Model Code of Conduct pawh vawiin atangin Siaha District ah hman nghal niin L Tochhong chuan a sawi a, hei hian hmasawnna hnathawh kal lai a huam lo niin a sawi a, candidate te chu Rs. 25,000 aia tam hman phal a ni lo a, hei hi MADC in kum 2002-a dan an siam, 2011-a siam that niin a sawi bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s