CHAWNGTE STOREKEEPER THATTU DAMCHHUNG LUNG IN TANG TURIN HREM ANI

Nikum (2016) a Chawngte storekeeper that a pawisa tam tham tak leh thil dang tlanbo pui tu, driver Lalnunzauva chu Lunglei District Court-in hrehawm taka damchhung a lung in tang turin a hrem niin Mizoram Police thuchhuah in a sawi.

 

April 13-a police thuchhuah chuan, “Nikum a Chawngte Supply Store Keeper HK Vanlaltlana rawng tak a thattu Lalnunzauva chu  Chawngte PS Case no. 1/2016 28.1.16 u/s 381/302 IPC r/w 27(1) Arms Act ah thiam loh chantir a niin Addl. Sessions Judge Lunglei chuan damchhung rim tak a lungin tang tur leh Rs 25000/- chawi turin a hrem,” a ti a.

 

Police-in Lalnunzauva an man hian a kut atangin pawisa fai cheng nuai 16.65, Maruti Gypsy, arms license leh .22 rifle mu 60 an man tel bawk niin thuchhuah chuan a sawi.

 

IPC 302 hi tualthattu hremna dan ani a, IPC 381 hi mi hnuaia hnathawkin a chhawrtu thil neih a ruk sak a hremna dan ani thung.

 

He Police thuchhuah vek hian Aizawl Bawngkawna mobile phone dawr rawktu ni a puh, kum 18 mi chu man anih tawhn thu a tarlang bawk.

 

Police thuchhuak chuan March 30 khan Bawngkawn a RTee Mobile Dawr leh Ralte Communication dawr te chu rawk niin mobile phone leh accessories tam tham tak ruk a ni a ti a.

 

“Bawngkawn ah rukruk case siam niin Police ten chhui zui in rukrutu hi Thangngaihpianga (18) s/o Lamkhankapa , Suangbem, Myanmar a ni tih an chhui chhuak a. Myanmar lama  tlan let tumin  Teikhang khua ah a riak tih hriat a niin Teikhang khua atang hian Ngopa Police ten ni 6.4.2017 zingah an va man ta a ni,” tiin thuchhuah hian a sawi a.

 

“Police te hian ni 30.3.2017  zan vek hian V&V Store pawh a rawk bawk a ni tih chhui chhuakin  case dang siam belh leh bawk a ni,” a ti bawk.

 

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s