CM HOVIN LE&IT HOTUTE THUKHAWM: NIAS BUAINA NGHAWNG MBOCWWB, MYC SIAMTHAT DAN TUR SAWI, THIL DIKLO TITU TE HREM DAN TUR REL     

April 10 khan Chief Minister Lal Thanhawla hovin Labour, Employment & Industrial Training (LE&IT)  Department hotute chuan meeting an nei a, department hnathawh, hmalakna, harsatna leh hmabak awmte an sawiho a, he meeting ah hian Nalanda Institute of Advanced Studies (NIAS) Course fee peklawk tawh refund chungchang chak taka bawhzui mek a nih thu department hotute hian sawiin he thila mawhphurtu nia puh te lakah Department Proceedings kalpui mek an sawi niin sorkar thuchhuah chuan a tarlang.

Tarlan tawh angin, NIAS, Kolkata-a dan lova Mizo zirlai 32 tirh an nih chungchangah hian khatih laia Labour Minister Lalrinmawia Ralte leh Mizoram Youth Commission te chu an nihna atangin an ban phah a, CM hian Labour portfolio hi a chang zui ta a ni.

Sorkar thuchhuah chuan, “NIAS chungchangah meeting ah hian zirlai 32 atangin zirlai 6 final exam atan hming pe an awm thu tarlan a ni a, Deparment chuan heng zirlai 6 ten hlawhtling taka an exam an paltlang chu a ngaihpawimawh avangin he thil hi an enzui reng tih an sawi,” a ti bawk.

LE&IT hotute meeting ah hian “MBOCWWB chungchanga CAG 2016 Report-a thil fello leh dan paih bak thil tih tarlan ani te chu meeting ah hian sawiho niin he thilah hian action la turin Department chu a inpuahchah mek” niin sorkar thuchhuah chuan a sawi bawk a.

TFD-in a lo tarlan tawh angin, MBOCWWB member thukhawm chuan March 16 khan NIAS buaina avanga mipui hriat ni ta, dan zawm lova board hnuaia hnathawk engemaw zat rawih te leh hnathawk dang te chu ban vek an nih na turin thutlukna an siam a, board hnathawkte hi a thar rawih chu phal ni mahse, hnathawk 11 aia tam lo ni se tih leh sorkar dan ang ngei a rawih ni tawh se tiin thutlukna a siam bawk a.

April 10-a CM hova meeting ah hian hemi chungchang hi sawichhuah ani a, “a chhawrtu tur ten an tangkaipui theih dan ber leh anih dan tur ang taka he Board hi a kal theih nan, Board chu restructure leh constitute that a tul thu tarlan niin hemi atana hmalakna tur te sawiho a ni,” tiin thuchhuak chuan a tarlang bawk.

NIAS buaina avanga hotute thenkhat an awm tak nloh vanga a hma anga hna thawk thei lo ni a sawi Mizoram Youth Commission (MYC) Chairman leh Secretary post ruak hnawhkhah chungchang pawh sawiho niin a pangaia MYC hian hna a thawh leh vat a tul thu sawilan a ni bawk niin thuchhuak chuan a sawi


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s