SERVICE KUM THLAK CHUNGCHANGAH PWD CE IN FORENSIC TE ENDIK DAN SORKAR AH DIL

PWD Chief Engineer John Rammawia chuan tuhnaia khan a service bu-a a kum a thlak danglam ni-a puh anih chungchangah Forensic Science Laboratory (FSL) in a service bu-a a kum inziak thlak a ni tih a finfiahna dan sorkar hnenah dilna a thlen.

DP&AR atanga thu dawn danin, John Rammawia’n a service bu-a a kum inziah dan a thlak danglam ti-a puh chungchangah hian sorkar chuan zawhna – a thil tihah thiam lo a inti nge thiam a inti – a zawt tawh a, a rawn chhan danah thiam a intih thu ziak si lovin thiam lo a intih thu a ziak bawk lo a, lehkha pawimawh thawn kim tawha ngaih a nih laiin hriat duh a rawn nei leh a.

FSL in a service bu an endik dan ah hriat duh a neih leh avangin FSL ah a thil duh hi an dil a, FSL in an remti a nih chuan John Rammawia chu an pe dawn niin thudawnna chuan a sawi.

DP&AR lam chuan a thil duh te an pek theih chuan, “Ka thiam e, a ti emaw, ka thiam lo e a tih emaw kan nghak dawn a, a chhan dan a zirin kan en zel ang,” an ti bawk.

Tarlan tawh thin ang John Rammawia hian a service bu chu July 31, 2008 khan la chhuakin a pian kum October 10, 1957 tih chu October 18, 1960 tiin a thlak ni-a sawi a ni a, The Frontier Despatch (TFD) in DP&AR-a RTI dan hmang a zawh channa ah pawh, “Sorkar hnathawk te zingah mahni service bu la chhuaka mahni-a lo kawl hi DP&AR in a hriat chinah mi pakhat a awm a, John Rammawia, Chief Engineer, PWD a ni,” tiin a chhang a ni.

Hetih lai hian, Assembly Session hnuhnung berah khan Chief Minister Lal Thanhawla, DP&AR changtu chuan MNF member Lalruatkima zawhna ziaka a chhan dan chuan, “Sorkar hnathawk te service book emaw, service card emaw-a date of birth inziak hi sorkar phalna tel lova tih danglam phal a ni lo, chutih rualin Note 6 below FR 56 in a sawi angin sorkar phalna hmu-a tih danglam theih dan erawh a awm. Sorkar hriatpui loha service book emaw service card emaw-a date of birth inziak tih danglam hi official-a a awm hriat a ni lo,” tiin a inziak a ni.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s