KUMINAH PAWISA LEM NUAI 54 CHUANG HU MAN TAWH, AIZAWL SP IN MIPUITE FIMKHUR TURIN CHAH

Aizawl SP Lalhuliana Fanai chuan tun hnaiah police-te’n pawisa lem Rs. 54,01,000 an man tawh thu leh pawisa lem leng a tam avangin mipuite fimkhur turin a chah. Vawiina a pisa-a thuthar la khawmtute a kawmna ah SP chuan March leh April thla chhung khan Aizawl, Champhai leh Bairabi ah pawisa lem, a tak ni se Rs. 54,01,000 hu an man thu a sawi a, pawisa lem te hi Cachar, Assam atanga rawn lut niin Rs. 2,000 leh Rs. 500 note an ni a, heng pawisa note thar ah hian a lem a tam avangin mipuite fimkhur turin a chah a ni.

IMG-20170412-WA0029

Lalhuliana Fanai tarlan dan chuan March 24 khan Rs. 2,000 note lem 252 leh Rs. 500 note lem pahnih, a tak ni se Rs. 5,05,000 chu Chanmari Aizawl ah man a ni a, a neitu – C Lalnunmawia (46), Lalkhuma, Chanmari West fapa – chu Vaivakawn Police Station ah IPC 489 (C) tlawhchhanin thubuai an siam sak niin a sawi a.

March 28 khan Rs. 2,000 note lem 99, a tak ni se Rs. 1,98,000 chu Edenthar Aizawl ah manin a neitu – Vanlalhruaii (31), Thanliana fanu, Lamzang khua, Myanmar; Zomuanpuii (33), Rosanga (L), Chawnpui Aizawl; Lallawmzuali (32), Lalruatdika nupui, Ramhlun South, Aizawl – te chu Bawngkawn Police Station ah IPC 489 (C) tlawhchhanin thubuai an siam sak a.

March 31 khan Rs. 2,000 note lem 305, a tak ni se Rs. 6,10,000 chu Zonuam Aizawl ah manin a neitu – T Thianlala (24), T Thangkhanliana fapa, Teikhang, Champhai District, Vaivakawn Aizawl-a cheng – chu Vaivakawn Police Station ah IPC 489 (C) tlawhchhanin thubuai an siam sak a.

April ni 6 khan Aizawl ah Rs. 2,000 note lem 114, a tak ni se Rs. 2,28,000 chu Bungkawn Aizawl ah manin a neitu – Lalruatfeli (33), Thanzama fanu, Assam-a Gungur Police Out Post bula cheng – manin Aizawl Police Station ah IPC 489 (B) leh (C) hmangin thubuai an siamsak a.

April ni 8 khan Champhai ah Rs. 2,000 note lem 135, a tak ni se Rs. 2,70,000 manin a neitu – Thangzama (48), Laithanga fapa, Bawktlang Kolasib; Lalngilneii (38), Zoramchhuana nupui, Hnahlan khua; Lalthlamuanpuii (34), laldingliani fanu, rentekawn Kolasib – te chu Champhai Police Station ah IPC 489 (B)/34 hmangin thubuiai an siamsak niin a sawi bawk.

April ni 11 khan Aizawl ah Rs. 2,000 note lem 510 leh Rs. 500 note lem 20, a tak ni se Rs. 9,90,000 chu Embassy Hotel Chanmari ah an man bawk a, a neitu – Lalrinmawii (56), H Lallianzuala fanu, Mission vengthlang – manin Aizawl Police Station ah IPC 489 (B) leh (C) hmangin thubuai an siamsak bawk a.

Tin, April ni 14 khan Bairabi ah Rs. 2,000 note lem 1,300, a tak ni se Rs. 26,00,000 chu manin a neitu – Kamal Islam (45), Mahamudul Islam fapa, Monachar, Hailakandi District, Assam – chu Bairabi Police Station ah IPC 489 (B) leh (C) hmangin thubuai an siamsak a ni bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s