CHANCHINBU MITE HNA HMASA BER CHU TAN BIK NEI LO-A MIPUITE THU DIK HRILH A NI: CM

Chief Minister Lal Thanhawla’n chanchinbu mite hna hmasa ber chu tan bik nei lo-a mipuite thu dik hrilh a nih thu a sawi.

Vawiina I&PR Conference Hall-a MJA General Conference vawi 44-na a hmanpuina ah CM chuan, “Kan duty hmasa ber chu mipuite hnena thu dik hrilh a ni, tan bik kan nei tur a ni lo, Kohhran leh pawlah kan tel a, mahse, kan thuziak ah kan ti lang tur a ni lo,” a ti.

Ram siam thatna kawngah chanhinbu mite’n mawhphurhna sang tak a nei tih CM chuan sawiin, “Sorkar leh Kohhran kaihruai tha thei ngaihtuah chhuak ula, Editor leh Correspondent satliah ni ngawt lo in, ram tana tha tur i ngaihtuah chhuak ang u,” a ti a, “Kan zalenna zau mahse, kan mawhphurhna pawh a sang a, thudik, rinawmna leh taimakna a pawimawh a, mahni ke-a din tum ang u,” a ti bawk.

Lal Thanhawla chuan chanchinbu mite chuan lai takin thu an la thiam tur a ni a ti a, an mawhphurhna a sang a, mahni chanchinbu enkawl theuh angin nihna  alang thin a, chanchinbu mi zawng zawngin an thuziak atangin tan bik nei lo, lai takin an ziak em tih an inteh fo tur niin a sawi.

Tawng leh thuziaka fimkhur tura chah in CM chuan, “MJA member te chu Mizo tawng tichhe tu an ni ang tih ka hlau a, kan tawng a mawiin a tha a, i ziak dik hram hram ang u, tawng kan ziah dik loh chuan hnam nun a chhe thei,” a ti a, “Khawtlang nun siam thatna kawngah mawhphurhna thuk tak in nei a, kut tling lo-a sum lak avangin kan ram nasa takin a chhia a, hengte hi in veng thei a ni,” a ti bawk.

Inkhawm hi MJA Vice President Zonunsanga Khiangte in a kaihruai a, MJA President Vanalrema Vantawl pawhin thusawiin, “Journalism leh MJA ah hma kan sawn em tih member tin inzawt ila, kan nitin hna ah hma kan sawn em? Ram khalh ngil kawngah intlansiak ang u,” a ti a, MJA member te chu thu dik hre tu an ni tur a ni a, Mizoramah mi tam takin chanchinbu mite an sel thin a, hei hi mipuite’n chanchinbu mite an beisei sang vang a ni a ti a, ram leh hnam siam thatna kawnga hma la tura min beisei vang a ni a, thiam thil leh hriat zau lamah tan lak a ngai a, “Mite’n engtin nge min ngaih ve ang le,” ti-a inzawt fo turin MJA member te chu a chah a ni.

MJA General Conference hian chawhnu lamah ro an rel a, an pawl chhung inrelbawlna hrang hrang te an rel.

MJA General Secretary C Lalhmachhuana report atanga a lan danin tuna hian MJA ah hian member 182 – Gen Hqrs 87, Champhai 13, Kolasib 14, Lawngtlai 9, Lunglei 25, Mamit 12, Siaha 12, Serchhip 10 – an awm a, member thar pali an neih bakah nikum leh kumin general Conference inkarah member 17 an chawlh tir a ni.

MJA General Conference ah hian an member boral mi pali te an sun bawk.

 


One thought on “CHANCHINBU MITE HNA HMASA BER CHU TAN BIK NEI LO-A MIPUITE THU DIK HRILH A NI: CM

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s