DISTRICT HOSPITAL-A THAWKTU DAH BELH NGIATIN CHAMPHAI AH TOTAL BANDH

IMG-20170418-WA0055
Photo: JACOB KHAWLHRING

Champhai MZP-te’n Champhai District Hospital-a thawktu indaih lo dah belh ngiata sorkar an ngenna in awmzia a neih loh vang ni a sawiin vawiin (April 18) khan Champhai khawpuiah total bandh an huaihawt a, bandh hian thlawp a hlawhin buaina leh harsatna a awm lo a, tlai dar 6 khan thlah dul rih a ni.

 

Champhai MZP hruaitute hnen atanga thu dawn danin, February thla-a Champhai MZP hruaitute thu khawm chuan Champhai District Hospital-a thawktu indaih lo phuruk turin sorkar hnenah Surgeon, Paediatrician, Jail Doctor leh Pharmacist pakhat theuh bakah Medical Officer (MBBS) pahnih an dil tawh niin an sawi a, an dilna hi sorkar in a tih hlawhtlin loh avangin March 17 khan MZP Executive Committee chu thu khawm lehin an thil phut hi April 14 thleng ngaihchan leh ni se an ti a, mahse, sorkar atanga thu lawmawm an dawn loh avangin Total Bandh hi an buatsaih ta niin an sawi.

 

Champhai atanga thu dawn danin bandh hi mipuiin an thlawp tha hle a, khawlaiah lirthei vei vak hmuh tur a awm loh bakah sumdawnna hmun te pawh khar vek a ni a, bandh avang hian thil thleng duhawm lo hriat tur a awm lo a ni.

 

MZP in Total Bandh an siam hi Champhai NGO Coordination leh Champhal Thalai Pawl te chuan an thlawp thu thu chhuah siamin an sawi a, MZP duty te hi an pui a ni.

 

Champhai MZP hruaitute hnen atanga The Frontier Despatch thu dawn danin, bandh hi tlai dar 6 khan an thlah dul rih a, naktuka chhunzawm tur leh tur loh chungchang chu zanin hian an rel leh dawn niin an sawi.


One thought on “DISTRICT HOSPITAL-A THAWKTU DAH BELH NGIATIN CHAMPHAI AH TOTAL BANDH

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s