CHAMPHAI AH BANDH CALL OFF, NAKTUK ATANGIN PISA LEH ZIRNA IN DANG DAWN

Champhai MZP-te’n Champhai District Hospital-a thawktu indaih lo dah belh phuta sorkar nawr nana nimin leh vawiina Total Bandh an siam chu vawiin tlai dar 5:30 khan an ti tawp a, naktuk atangin na zawka sorkar nawr nan pisa leh zirna in khar an tum.

Champhai MZP hruaitute hnen atanga The Frontier Despatch (TFD) thu dawn danin, nimin leh vawiina bandh an siam chu mipuite’n an thlawp tha hle niin an sawi a, khawlai ah mipui leh lirthei chhuak an awm lo a, sumdawnna hmun, pisa leh zirna in te khar vek a ni a, mipuiin an bandh siam tha taka an thlawp laiin sorkar-a an thil phut hlawhtlinna an la hmuh loh avangin naktuk (April 20) atangin Champhai khawpuia sorkar pisa leh zirna in zawng zawng khar an tum niin an sawi.

“Mipuiin kan bandh siam thlawp hle mahse, kan thil phutah sorkar a ngawi tlat a, chuvang chuan na zawka sorkar nawr nan sorkar pisa leh zirna in kan khar dawn a ni,” tiin MZP hruaitute chuan TFD an hrilh a ni.

Tarlan tawh angin, February thla-a Champhai MZP hruaitute thu khawm chuan Champhai District Hospital-a thawktu indaih lo phuruk turin sorkar hnenah Surgeon, Paediatrician, Jail Doctor leh Pharmacist pakhat theuh bakah Medical Officer (MBBS) pahnih an dil tawh niin an sawi a, an dilna hi sorkar in a tih hlawhtlin loh avangin March 17 khan MZP Executive Committee chu thu khawm lehin an thil phut hi April 14 thleng ngaihchan leh ni se an ti a, mahse, sorkar atanga thu lawmawm an dawn loh avangin Total Bandh hi an buatsaih ta niin an sawi.

Hetih lai hian Health & Family Welfare Department thuneitute chuan Champhai MZP te thil phut hi a theih chin chinah an ti hlawhtling niin TFD an hrilh a, mi zai thiam (Surgeon) dah an phut pawh a thawk lai chawlh la in a zawm leh tawh a, naupang doctor (Paediatrician) an duh erawh tunah dah mai tur an awm rih lo a, Champhai NGO Coordination Committee in nurse dah belh an phut pawh tunah hian Khawbung, Sialhawk leh Khawhai CHC leh PHC ami te Champhai District Hospital-a awm tura sawn an ni tawh a, heng nurse pathum te hi an hna zawm nghal tura tih an nih thu an sawi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s