CHAMPHAI MZP-IN HOSPITAL-A THAWKTU DALH BELH NGIATA LUNGAWI LOHNA AN LANTIRNA AH LIRTHEI HAL A NI, MZP IN SORKAR NAWR CHHUNZAWM DAWN

IMG-20170420-WA0042

Champhai MZP in District Hospital-a thawktu indaih lo dah belh ngiata sorkar nawr nana ni hnih chhung total bandh an neih hnu ah vawiin khan sorkar pisa leh zirna in an khar a, lungawi lohna lantirna ah hian DC office complex ah lirthei panga a kang a, MZP te hian an thil phut a hlawhtlin hma loh chuan sorkar nawra lungawi lohna lantir zel an tum niin an sawi.

Hetih lai hian naktuk (April 21) hian Home Minister, Health Minister leh Health Department leh Police hotute chu Aizawlah an thu khawm dawn niin thu dawn a ni.

Champhai MZP hruaitute hnen atanga The Frontier Despatch (TFD) thu dawn danin lirthei kang te hi Gypsy pahnih, Bolero, Santro leh bike pakhat theuh an ni a, hetia lirthei a kan tak avang hian police te chuan MZP member te chu hnawhdarh tumin an bei nghal a, Chehrepkawnah nasa takin police leh zirlai te hi an innawr a ni.

Zirlaite leh police te innawr buaina ah hian zirlai 19 – mipa 10 leh hmeichhia 9 – an hliam niin TFD thudawnna chuan a sawi a, hliam zinga thenkhatte hi damdawi inah hruai ni mahse, na lutuk an awm lo a, police zingah pawh hliam tenau pahnih an awm ve bawk niin TFD chuan thu a dawng.

Hetianga buaina a chhuah hnu hian YMA leh MZP hruaitute an inbia a, mahse an inbiak hnu hianMZP chuan sorkar in an thil phut a tih hlawhtlin hma loh chuan sorkar chu nawr zel an tum niin TFD an hrilh a, zanin atan chuan zirlai te chu an tin darh phawt ang a, naktuk (April 21) atangin sorkar pisa leh zirna in an khar chhunzawm dawn niin an sawi.

Police chuan lirthei hal a nih leh lungawi lohna lantir chungchangah hian thuneitu sang atangin pawi khawihtute man tura thupek an la hmuh loh avangin tunah chuan tumah an la man rih lo niin TFD a hrilh a, sorkar atanga thupek an dawn hunah a tul angin police te an che ang a, lirthei haltute pawh chhui chhuakin an man dawn niin an sawi.

Health Secretariat atanga thudawn danin sorkar chuan MZP thil phut te tihhlawhtlin sak dan tur hi engmah thuchhuah leh thutlukna a la nei lo a, naktuk (April 21) hian Home Minister hovin Health Minister leh Health Department hotute bakah police te an inhmukhawm dawn niin thudawnna chuan a sawi.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s