MHIP PRESIDENT THAR SAIPUII

Kum 2017-2019 chhunga MHIP Gen. Hqrs. hruaitu tur te chu vawiin (April 20) khan Vanapa Hall ah thlan an ni a, President-ah General Secretary ni lai Saipuii, Electric Veng thlan tlin a ni.

MHIP General Assembly, nimina Vanapa Hall-a hman tan ah chuan vawiin khan kum hnih chhunga Gen. Hqrs. hruaitu turte chu Central YMA President Lalbiakzuala kaihhruai in thlan an ni a, nomination mi 16 zingah heng mite hi thlan chhuah an ni.

President                   : Saipuii, Electric Veng

Vice President          : Lalthlamuani, Kanan Veng

Gen. Secretary          : T Lalthangpuii, Upper Republic Veng

Asst. Secretary         : Lalengkimi, ITI Veng

Treasurer                   : Hmangaihzuali, Tuithiang Veng

Fin. Secretary           : Dr Thanpuii Hnamte, Tuikhuahtlang

IMG-20170420-WA0033.jpg
(Left to Right) Saipuii, Lalthlamuani, T Lalthangpuii, Lalengkimi, Hmangaihzuali, Dr Thanpuii Hnamte

MHIP Gen. Hqrs. hruaitu thlan ah hian kum dangah chuan Gen. Hqrs. in Official Nomination siamin inthlan dawnah Floor Nomination siam a ni thin a, kuminah erawh chuan Gen. Hqrs., Sub-Hqrs., leh Block atangin nomination a siam theih a, nomination zinga vote hmu tam 16 te chu Official Nomination ah dah an ni a, tun tumah hian Official Nomination 16 zinga pahnih chuan an pha a ni.

Tun tum inthlanah hian President-a tling Saipuii hian vote tla 1,281 atangin 635 a hmu a, Vice President Lalthlamuani hian vote tla 1,271 atangin vote 773 a hmu a, Gen. Secretary T Lalthangpuii hian vote tla 1,213 atangin 889 a hmu a, Asst. Secretary Lalengkimi’n vote tla 1,031 atangin 738 a hmu a, Treasurer Hmangaihzuali’n vote tla 889 atangin 505 a hmu a, Fin. Secretary Dr Thanpuii Hnamte in vote tla 756 atangin 598 a hmu bawk.

MHIP General Assembly ah hian nimin khan an Patron Lal Riliani hovin inkhawm neih a ni a, chawhnu ah palaite’n ro an rel a, an thu pass te chu-

  1. Mitthi in leh Biak Inah hmeichhia-te’n puanbih uar se.
  2. Hmeichhe zahawmna ti hniam zawngin hmeichhia-te’n thawmhnaw inbel lo tura inzirtir ni se.
  3. MHIP member boral an awmin kan uizia leh member an ni tih lantir nan member-te’n pawndum (Zawlpuan) bih theuh ni se.
  4. Chawlhkar khatah vawi khat tal Mizo inthuama inthuam turin office kalte ngen ni se.
  5. Hnamdang nupui/pasala nei lo tura kan tu leh fate zirtir uar ni se.
  6. Aia upa te zah leh Mizo tlawmngaihna lo dal tial tial ta hi rampum huapa MHIP member te leh kan tu leh fate inzirtir thar ni se.
  7. Vantlang thil mahni ta anga en a, humhalh tura inzirtir ni se.
  8. Gutkha thil siam do chhunzawm ni se.

Kum 2017-2019 Kumpuanah, “Hmeichhiate leh naupangte hmasawnna leh himna atana nasa taka tan lak,” tih an pass bawk.

 


One thought on “MHIP PRESIDENT THAR SAIPUII

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s