NIAS, Kolkata-a Mizo zirlai tirh an nih dan leh MBOCWWB sum hman dikloh chhui turin 2-member Inquiry Commission din ani

Mizoram sorkar chuan NIAS, Kolkata-a Mizo zirlai 32 felhlel taka tirh an nih dan chungchang chhui chiang turin central service officer pahnih awmna Inquiry Commision a din a, commission hian hemi chungchangah Congress MLA Lalrinmawia Ralte leh T Sangkunga te an inrawlh leh rawlh loh a chhuichiang tel nghal dawn a ni.

He two-member inquiry commission din chungchangah hian April 20 khan Vigilance Department chuan notification a tichhuak a, commission member atan hian IDAS officer Benjamina, H&TE leh LE&IT Commissioner and Secretary ni lai mek leh IPS officer Neeraj Thakur te a ruat nghal bawk. Inquiry Commission hi May 20, 2017 aia tlai lova report thehlut tura tih a ni.

Commission chhuichian atan hian terms of reference panga (5) siam a ni a, chung zingah chuan Lalrinmawia Ralte leh T Sangkunga te hi Mizo zirlai 32 NIAS, Kolkata-ah he zirna in zirchiang hmasa lova thawn an nih thu ah an inhnamhnawih leh hnamhnawih loh chhuichiang tura tihna pawh a tel a ni.

Hei bakah hian dan lova Mizoram Building and Other Construction Workers’ Welfare Board (MBOCWWB) sum skill development training atan hman a ni bawk a, dan lova Welfare Board sum loan anga puk tir thu chhichiang tura tih a ni bawk.

Tin, Mizoram sorkar hriatpui lova Mizoram Youth Commission, Welfare Board leh NIAS, Kolkata inkara MoU sign a nih ngawt dan chhichiang turin two-member inquiry commission hi tih a ni bawk a.

Heng bakah hian Inquiry Commission hian dan lova Welfare Board hnuaia officer leh staff te ruat an nih dan a chhuichiang bawk dawn a ni.

Tarlan tawh angin, Chief Minister Lal Thanhawla chuan NIAS, Kolkata-a Mizo zirlai tirh an nih dan hi Commission of Inquiry-in a chhui dawn niin a lo sawi tawh a. Mahse hetianga a thusawi hi eptu pawl te chuan an sawisel nasa hle a, Commissioner of Inquiry P Lalchhunga chu a nuphalpa a nih vangin an pawm theih loh thu an sawi hlawm.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s