7th Pay Mizoram in hmang dawn em tih la sawi theih loh, Cabinet-in a la ngaihtuah dawn: Lalsawta

Finance Minister Lalsawta’n Mizoram sorkar hnathawkte 7th Pay Commission ruahman anga hlawh pek ve chungchang chu Cabinet-a ngaihtuah tura an dah thu a sawi.

Vawiin (April 28) a Congress Bhavan-a inkhawmah thusawiin Lalsawta chuan sorkar laipui chuan pawisa a neih zawng zawng atanga za-a pasarih (7%) vel chu a hnathawk hlawh atan a hmang thin a, Mizoram sorkar erawh chuan pawisa a neih zawng zawng atanga za-a sawmthum paruk (36%) vel a hmang thung a ti a.

Finance Minister chuan Cabinet in ngaihtuah turin meeting a la koh loh avangin tun maiah chuan Mizoram sorkar in a hmang ve nghal mai dawn em tih sawi mai theih a ni lo niin a sawi a,  mi thenkhat hrechiang lovin an ti thei lo tih te, sorkar laipui ah pawh sum an la dil lo an ti ni-a sawiin khawi state mahin Central Pay Commission hmang turin sum an dil ngai lo a, state in a tlin hun hunah a pe mai thin a, Chief Minister hovin a hun takah an la ngaituah ang tih bak chu sawi theih a awm rih lo a ti.

NEDP chungchang sawiin Lalsawta chuan NEDP ah hian mamawh intawm, infrastructure lam – kawng tha te, electricity awm lohna ah power pek te, khawl man to mimal tana lei harsa te – sorkar in a lo bitum ang a ti a. Thingtlanga kuthnathawktute’n an thil thar chhuah zawrh tham, company au ei tham in an buaipui thung ang a ti a, khamkhawp ngawr ngawr atangin hralhchhuah khawp thar chhuah leh buaipui an tum thu a sawi a, chutiang anga taima leh puihtlak tak tak te chu an puih dawn thu te a sawi a.

NEDP ah hian pawisa sem tumna a awm lo na in mi harsa zual bik tan erawh kumin chhung ringawt atan cheng nuai 2,000 an dah thu te a sawi a, mahse, NEDP ah cheng vbc 750 an dah atang chuan chutiang chu a tlem tham a, sem hum hum lam chu a ni lo a ti bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s