Champhai MZP lehkha bo dan

20170424_135023[2]
Champhai MZP lehkha Health MInister an pek, Miister office-in Principal Director a thawn thlakna receive register-a dawng ngei tih ziah lanna

Zirlai pawl in Health Minister an ngenna lehkha chu a bo tak avangin sorkarin a chhang lova. Chhanna a awm tak loh avangin MZP in lungawi lohna an lantir a, buaina a chhuah phah ta a ni. Mahse, he lehkha a bo danah hian Health pisapui (Secretariat) chu tun thlengin a la bangbo hle a, signature pakhat, tu ziah nge hriat tak loh ah zawhna lian tak a awm

 

“Kan District Hospital-a thawktu indaih lo dah belh tura sorkar kan ngenna te leh hun tiam kan neih thu kan ziahna lehkha chu Health Minister kan pe a, kan ngenna leh thil phût chu a chhanna engmah kan hmuh loh vangin Total bandh-a bul tanin lungawi lohna kan lantir ta a ni,” tiin Champhai MZP hruaitu pakhat chuan TFD a hrilh a.

Champhai MZP lehkha hi February 24-a ziah niin February 27 ah Health Minister Lal Thanzara pek a ni a, Minister chuan a tuk February 28-ah Principal Director (PD) ah bawhzui turin a thawn a ni.

Tarlan tawh angin, Health Minister Office atanga Champhai MZP lehkha Health PD dawn tura thawn chhuah chu a awmna hriat zawh a nih tak loh avangin bawhzui ngaihna a awm lo a, MZP in thil phût an ziahna Secretariat leh Directorate in an hmuh tak loh avangin Champhai MZP te chuan sorkar in a ngaihsak lo ni a ngaiin April 18 (Thawhlehni) leh 19 (Nilaini) khan Champhai ah Total Bandh siamin lungawi lohna an lantir a.

Health Minister office atanga Champhai MZP lehkha kengtu lehkhabu (Receive register) ah pawh PD office in an dawng ngei tih hming ziahna a awm a, mahse, a dawngtu hi tu nge a ni tih PD office hian an hre lo a, receive register-a hming ziaktu hming ziah pawh Directorate-a thawktu zawng zawng hming ziak an enmil pawhin tu nge tih an hre zo lo a ni.

Health Directorate leh Secretariat in Champhai MZP lekha an hmuh loh avang hian engmah an bawhzui lo a, chuvang chuan Champhai MZP in Total Bandh hmangin sorkar an nawrtan ta a, MZP-te’n Health Minister kut ngeia lehkha an pe chu sorkar in a hre tura ngaiin an lehkha channa an hmuh loh avangin lungawi lohna an lantir ta niin TFD an hrilh.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s