Kum 1998 atanga vawiin thlengin sorkar in doctor 161 a la tawh

Tunlaiin Mizoram hmun hrang hranga doctor indaih lohna a nasat thu leh mahni khua-ah doctor dah belh phuta sorkar karna a lian hle a. Sorkar in doctor la ngai mang lo-a Mizoram Civil Service (MCS) leh Mizoram Police Service (MPS) la teuh teuh thung si anga sawi thawm pawh a tam hle.

The Frontier Despatch (TFD) in kum 1998 kum tawp lama MNF sorkar a pian atanga vawiin thlenga sorkar in Mizoram Public Service Commission (MPSC) kaltlanga MCS, MPS leh doctor (Specialist leh Medical Officer) a lak dan MPSC-a a zir chianna ah heng kum chhung hian sorkar chuan MCS 110, MPS 61 leh doctor 161 a la tawh tih a hmu.

TFD zirchianna atanga a lan danin kum 1998 kum tawpa MNF sorkar a pian atanga kum 2002 thleng khan MCS lak thar an awm lova. Kum 2003-ah 20 sorkar-in la a, kum 2004-ah 12 a la leh a, kum 2008-ah 15 a la leh a ni. Heng kum 10 chhung hian a vaiin MCS 47 lak an ni.

Kum 2008 kum tawpa Congress sorkar a pian hnu ah 2009 ah Persons with Disabilities (PwD) quota in MCS pathum lak an ni a. Kum 2011, 2012 leh 2013 ah 10 theuh lak an nih bakah kum 2014 ah 15 lak an ni leh a, kum 2015 ah 10 lak an nih leh hnu in nikum kum tawp khan panga lak an ni a. Heng kum kaw chhung hian MCS 63 lak an ni tihna a ni a. Kum 20 dawn kal ta chhung khan a vaiin Mizoram sorkar chuan MCS officer hi 110 a la tihna a ni.

MPS erawh hemi hun chhung hian MCS aiin lak tlem an ni a. Kum 2004 leh 2009 ah 10 ve ve, 2011 ah 10, 2012 ah pakua, 2013-ah panga, 2014-ah 10, 2015 ah panga leh nikum khan pahnih, a vaiin 61 lak an ni a.

Sorkar chuan MPSC kal tlangin kum 1998 atanga vawiin thlengin doctor (Specialist leh Medical Officer) tum ruk a la a, kum 2003-04 sorkar kumah khan Medical Officer (MO) pahnih, 2005-06 ah 26, 2006-07 leh 2007-08 ah MO pakhat ve ve, 2013-2014 ah MO 88, 2015 ah Specialist 10 leh MO 27 leh nikum khan Specialist paruk, a vaiin 161 a la a.

2013-2014 sorkar kuma MO 88 zingah hian Specialist 25 an awm a, an zinga pakhat chuan zawm duh lo mahse, sorkar chuan panel list atangin a hnawhkhat leh nghal a, kum 2015-a Specialist 10 leh MO 27 a lak te pawh hian an zawm vek a, mahse, MO 27 zinga pahnih te chuan nikuma Specialist paruk lak ah dilna an thehlut leh a, an tling leh a ni.


One thought on “Kum 1998 atanga vawiin thlengin sorkar in doctor 161 a la tawh

  1. Hospital duty nurse leh doctor te hi 24hrs duty an nih vangin mcs/mps an lak aia tam fe lak angai a, office hour chauh duty an nih loh avangin mcs 1 ah doctor/nurse3 zel lak angai. Chu mai piah lamah phc awmna tam tak a awm a, hengah hian mcs/mps an thu ve vek lo. Manpower tam viauin lang thin mahse ni1 ah tum3 duty ang an ni a, hemi hi hriatthiam loh chuan doctor/nurse indaih lohna hi chu a awm reng mai dawn niin a lang

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s