Nawrh avanga hlawhtling ta kan hotute min kaihhruaina hnuaiah ka la hre mang lo: Lal Thanhawla

MPCC President Lal Thanhawla’n sorkar laka thil phut neihin nuar lova tha taka indawr a pawimawh a, an sorkar chhungin nuarte thil phut a hlawhtlin a hriat loh thu a sawi.

Vawiin (April 28) a Congress Bhavan-a inkhawmah thusawiin Lal Thanhawla chuan, “Nawrh avanga hlawhtling ta hi kan hotute min kaihhruaina hnuaiah ka la hre mang lo,” a ti a.

Nuar lova tha taka indawr a pawimawh zawk a, tun hnaia mi thenkhat nuarte chet dan hi Mizo an ni ta lo emaw tih mai tur a ni a, chu mai ni lovin ring lo mite pawhin an chin dan thin zinga a chhe ber ang chi an ti duh hi a rapthlak hle a ni a ti bawk a, khang thil titu thenkhat kha ringtu inti leh rawngbawltute pawh anni ve awm si a, a pawi hle a ni a ti.

MPCC President chuan thu taka chen hi a pawimawh ber a, takna a din hi thil tha leh tlo zawk a ni a, hmui themthiamna hi sorkarna a ni ber lo a ti a, MNF party in Congress sorkar ah “chu mi minister chuan a eiru” tih sawi tur hre si lovin buaina leh nawrhna siam apiang zingah an tel a, CSS Hindi teacher-te’n CM chenna gate an nawr chhiat pawh khan MNF thalai hruaitute an tel a ni a ti a, tuna Champhaia buaina ah sorkar lirthei hal tute leh a tha thawhtute chu MZP phenah party danghruaitute an ni a ti bawk.

Tuirial HEP chungchang sawiin Lal Thanhawla chuan MNF in an sorkar chhunga an tih chhiat der chu an sorkar in a tundin leh pawh kumin October thla hian hawn an tum niin a sawi a.

Kum 2018 ah Congress sorkar a ding chhunzawm lo a nih chuan Mizoram chu a chhe zual ang tih a hlauh thu a sawi a, thuneihna an chan chhunzawm chuan Mizoram chu intodelhna kawngah chhe mai mai thei tawh lo khawp in dinhmun a sawhnghet hman tawh ngei a rin thu a sawi.

NIAS chungchang sawiin MPCC President chuan sorkar hnathawk thenkhatte’n a enkawltu Minister te thlimin sum an ti chingpen a, tunah hian chhui mek a ni a, thil ti dik lo te chu an phu tawk hremna an pe dawn niin a sawi bawk.


2 thoughts on “Nawrh avanga hlawhtling ta kan hotute min kaihhruaina hnuaiah ka la hre mang lo: Lal Thanhawla

  1. Congress an sawrkar leh loh chuan mizoram a chhe zual ang tih a hlau a nih chu. Hei chen an sawrkar tawh a, a eng chu nge kan thatpui chuan le?? A tla tur tihngaihna hrelo ni ta in ka hria.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s