Sorkar in Champhai-ah CYMA palai tir, JAC-in pisa kai tur dan tum thulh rih

IMG-20170502-WA0047
Photo: SANGTEA FANAI

Central YMA in palai hna thawka Champhai JAC te duh leh mamawh sorkara thlena tih hlawhtlin an tiam avangin Champhai MZP hmalakna kal zela Champhaia pawl hrang hrang inhlawmkhawm Champhai Joint Action Committee chuan Champhai District Hospital-a naupang doctor dah phuta naktuk (May 3) atanga sorkar nawr nana pisa kai tur dan an tum chu an thulh.

Champhai JAC hruaitute hnen atanga The Frontier Despatch (TFD) thu dawn danin sorkar in Central YMA hruaitu mi pakua – President Lalbiakzuala, Asst. Secretary R Lalngheta, Fin. Secretary Lalrochuanga Pachuau leh CEC member paruk – te chu Champhai JAC hruaitute dawr turin a tir a, hetah hian Central YMA hruaitute chuan Champhai JAC te chu sorkar pisa kai tur dan an tum chu \hulh rih a, an duh leh mamawh te sorkar-a thlen sak a tih hlawhtlin ngen an tum avangin pisa kai tur dan an tum chu an thulh niin Central YMA hruaitute hmalakna ngaihchang phawt ni se an ti niin an sawi.

Champhai JAC hruaitute chuan hun rei tak Champhai mipuite’n doctor an mamawh zia sorkar-a an thlenin awmzia a neih loh avanga kawng chi hrang hranga hma an lak laia harsatna lian zawk a thlen loh nana sorkar in Central YMA hruaitute palai-a a hmang chu lawmawm an tih thu an sawi a, Champhai mipuite’n an mamawh leh ngenna a hlawhtlin ngei theihna tura sorkar palai te chu an beisei niin an sawi a, mipuite pawh sorkar palai thu leh hla ngaichang turin an ngen niin an sawi.

Central YMA President Lalbiakzuala hnen atanga TFD thu dawn danin Home Minister R Lalzirliana’n nimin (Thawhtanni) khan Central YMA leh Mizoram People Forum hruaitute chu a pisa ah lengah a sawm a, hetah hian Champhai mipuiin sorkar-a lungawi lohna lantir leh an tum chungchangah palai hnathawk tura Central YMA leh MPF a beisei thu te sawiin sorkar thu kengin vawiin khan an kal niin a sawi.

Central YMA President chuan Champhai JAC hruaitute hnenah sorkar thu leh hla te an hrilh hria a, MPSC in doctor 26 a lak tur chu thla khat leh a chanve vel a awh dawn avangin Champhai mipuiin naupang doctor an mamawh chu dah ngheh mai harsa rih mahse, kar tin a inchhawka Champhaia duty tura naupang doctor tirh theih a nih thu te an thlen a, Champhai mipuite pawhin sorkara lungawi lohna an lantira buaina chhuakah tumah thubuai siamsak ni lo se an lo tih te pawh sorkar-a thlen an tum thu a sawi a, Champhai mipuite duh dah chu sorkar in a tih hlawhtlin theih an rin thu a sawi a, boruak tha tak hnuaah dawhkan khat an kil niin a sawi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s