Mi Zo Leh Vai Chanchin Lekhabu / Ramhuai Thu

M&V

Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.

v2i11 - M&V

Awktober ni 7 ni, 1,903 a, Vaihleia khua zir-tir turin Bawia leh Dokhama an han kal a; tin, an khua chuan ramhuai a tam zia an lo shawi hut hut mai a. Tin, heti-hian an shawi a:- Ramhuai awm na chu hmun li a awm a:-

  1. An khaw chhim-lama shih a awm a; chu chu a lal-ber a te ho an ni a.
  2. Hmar-lam (Champhai lama) tui-khur kiang a chuan tum pa-li a ding a; a huai hming chu …. a ni.
  3. Veng mawng lama shih a awm bawk a.
  4. Tlang-dung lama Mit-tuk-kak ho an awm a. An in-lar-na hmashak ber chu an lal-pa (Vaihleia) bula chuan Chawngpuilali ho te chu an rawn in-lar-a; an lal-pa chu an han buan-tlu a; an mangang em em mai a, a ti ngai-na an hre tawh shi lova. Tin, mi pakhat hian “Zawl ka nei e, a buan tlu tu chu han ko te u, ka lo hau ang e,” a ti a; tin, an ko va, a lo hau va; “Eng-ti-in-nge in rawn awm reng ni; lung-awi lohna in nei em ni? Lung-awi lohna in nei chuan kha, in a ka ar kha man ula; tin tawh ang che u,” a ti a; tin, anni ramhuai ho chuan Äw le,” an ti a, an zen chhuak a, a hel-in an ei ta buai buai a! Chu-ti-chuan an ti ta nghal a, a in thlen hma-in.

Tin, ni thum lai a-chin-a chuan Chhim-lam pang a Duhhleii an rawn buan thlu leh ta a; chu mi chuan an vel a ramhuai dang chan-chin te an puang zo ta vek a; hetiang-in an ti:-

“Hmanlai-in Mit-tung-kak ho an lal-ber; nimashela an tlawm ta, mihring a mai mai-in mi lak an …. avangin, Pathian in a ti-tlawm ta. Tuna an chhak tlang a an awm; tuna keini kan lal ta,” an ti a. Tin, upa pakhat chuan an in-lar lai chuan … “Heti a mi khua te in lo kal fo hi, in lal pawh-in an awi em maw ni leh. In duh duh a … in ngen na hi le?” ti-in a zawt a; tin, anni chuan “Awi love leh! Mishual deuh te’n a mi te an va shawi-shak hian kan lal-in mi tan shi lova, Pathian in mi hrem nek thin a. Tuna nangma duh kan nei love, kan lo leng mai mai a ni e,” an ti a; tin, zu te an in thin a, zu duh ngai lo nimashela ramhuai an kawchhung a a luh vang chuan an duh ta hle mai thin a.

Tin, Bawia leh Dokhama te awm lai chuan an lo kal leh bawk a, mi a buan thlu leh pek a, mi te chuan “Khi ta khi leh! Ramhuai in mi an buan thlu leh ta e,” ti-in an auva; tin, Dokhama chu a han kal a, a han hauva; tin, Dokhama kal hma chuan mi hnena “Zu ka duh e; zu mi pek loh chuan ka haw lovang,” a ti a; tin, Dokhama hnena pawh chuan “Zu mi pe rawh u,” ti-in a lo ngen leh bawk a; tin, nakina chuan Bawia a han kal ve a, ramhuai buan thluk hnena chuan; tin, mi te chuan “Zu ka chak a ti a, va be ve te, aw!” an lo ti a, tin, a va kal a “Eng-nge I duh leh. Shawi la! Ka nei leh ka pe ang chi a, ka nei lo leh ka ngai-tuah ang,” ti-in a zawt a, tin, ramhaui buan thluk chuan a hau va, a tap a tap ta mai a. Tin, Bawia chu a kal chhuah dawn chuan “Tumah-in awm-pui duh shuh u, a zu-rui a lu-na a tap mai mai a ni kha, kal shan vek rawh u,” a ti a, tin, kawng-khar a kan tawh a, mi te’n an han ko leh a, “Zu ka duh e, a ti e” an ti a; tin, Bawia chu an kai-lut leh ta a; tin, a hnena “Eng-a-ti-nge i tah ta leh? Tap lovin mihring tak zet i nih chuan shawi ta che; zak lo tur a, I duh thu shawi-tur … kal i ni lo vem ni? Tuma i zah tur an awm lo” a va ti leh a. Tin, ramhuai chu a tap leh ta chu-ti-chuan vawi thum a ti a, a ti apaing in a … thin a; tin, “Engma a ni love,” ti-in a haw shan ta a.

Tin, a haw hnu chuan zu no khat an rawn pe a “A hrah ta e,” ti-in Bawia hnena chuan an rawn shawi leh a. Bawia chuan “Ava mak em ve le! Ka hnen a engma shawi shi lova, in hnena chutiang a duh thil shawi a a awm shi chu ni,” a ti a. Tin, an thu … apiang in mak an ti hle a. Bawia chuan “Ramhuai dang chu lo leng leh shela ka va ti em ve!” a ti a, nimashela tunlai in chutiang an awm ta rih lo a ni. Tin, khua a mi te chuan “Hman a chuan khua a … leh zu an zuk a-piang-in ma thei-lovin an lo lang thin a shin leh a va mak tak em ve leh!” an ti a. Hemi chhiar-tu apiang hian ngaihtuah tha ula, kumkhua-in he thu a mai pawh hian ramhuai-in Pathian a hlau tih hriat a ni e. Kumkhua in lekha bu thu lo pawh-in Pathian a lal leh, engkim chung-a thu nei tih a lang a ni.

Bawia Leh Dorikhuma Zo-sap Skul naupang.

Lekha V, Phek 5-8


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s