Dan lo-a Bangladesh atanga rawn lut sorkar in pawm dawn lo: HM

  • Lalnunzira Chawngthu

 

Home Minister R Lalzirliana’n Bangladesh atanga dan lo-a Mizorama Chakma leh Bru rawn lut te chu sorkar in engtik lai mahin a pawm dawn lo niin a sawi.

Mizo Students’ Union (MSU)-in vawiina Vanapa Hall-a kumin Higher Secondary School Leaving Certificate-a Mizo titha te chawimawina an buatsaih a hmanpuina ah he thu hi sawiin Home Minister chuan, “Chakma leh Bru te dan lova Bangladesh atanga Mizoram rawn lut te hi engtik lai mah in Mizoram sorkar hian kan pawm zam mai dawn lo va, tun hunah pawh hian chutiang ang dap chhuak tur chuan nasa takin hma lak chhoh mek zel a ni,” a ti.

R Lalzirliana chuan, “Mizo te’n kan hriat tur pawimawh em em chu Chakma leh Bru te hmun dang atanga lo lut thin te hi eng vang nge kan tih chuan an ram Bangladesh, an awmna hmasa zawk ah te an tamin an tawt em em a, chutiang a nih lai chuan Mizoram lam an rawn thlir a, ramri vel a thawl em em a, hmun tha eizawnna tur a awm si a, chung ang hmun te chu a ram a lo kilkhawr deuh tawh avangin kan police te leh kan nu leh pa, nula tlangval te hnathawk mite kan awm tha peih lo a, chung avang chuan Mizoram hi awmna tlak ah hmu in an rawn kal mai thin,” a ti a, ramria khua awm zawng zawng te tihchangtlun a, sorkar hnathawk te pawh dah tam zel an ngai niin a sawi.

Home Minister chuan Chakma awmna hmun te hi Chakma ram ni lovin Mizoram, Mizo te ta a ni a ti a, heng ah te hian sorkar hmun pawimawh dah a ngai nia sawiin, “Heng hmunah te hian Mizo te kan inbenbel theih nan sorkar hmun pawimawh siam a ngai a, Mizo te kan inbenbel a, sorkar hnathawk te Mizo kan nih chuan dan loa rawn lut te lo endik a, paih ngai te paih pawh a harsa dawn lo a, chuvang chuan heng hmun te hi hmun pawimawha siam a ngai,” a ti bawk.

Zirlai titha te chawimawina inkhawm hi MSU Vice President Benjamin Lalnghaka Fanai in a kaihruai a, MSU President RB Lalmalsawma pawhin thu a sawi a, zirlai an chawimwi te hi thuziak leh Rs. 2,000 theuh an hlan a, I-League Champion Aizawl FC President Robert Romawia Royte chawimawina hlan a ni bawk.

MSU in zirlai titha a chawimawi te chu-

Arts 
1) Lalrinzuali, Home Mission School
2) Lalramluahpuii Ngente, Synod HSS
3) Hmingthanpari Sailo, Calvin HSS

Science
1) Zomuansangi, St.Pauls’ HSS
2) Samuel Malsawmzuala, St. Pauls’ HSS
3) C. Lalhriatchhungi, St. Pauls’ HSS

Commerce
1) Joseph Vanlalrema, Oikos HSS
2) K. Lalhmingchuanga, St. Joseph HSS
3) Vanlalruata, St. Joseph HSS

Vocational

1) R. Zosangpuii, Govt. Mamawii HSS

2) Lallawmkimi, Govt. Central HSS

3) Malsawmdawngi, Khawzawl HSS


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s