DGP-in HPCD kahhlum police te hnena compensation pek danah inhnialna chhuak, an chhungte High Court ah zualko

113

MLA rual vengtu police pali, HPCD hel te’n Zokhawthiang daia an kahhlum tak chhungte sorkarin cheng nuai 10 theuh ex-gratia compensation a hlan chungchangah police hotu lu berin thil tihsual a nei niawm tak a ni: police thi ta te chhungte chu Gauhati High Court (Aizawl Bench) ah an zualko a, HC chuan police hotute insawifiah turin a hriattir.

He thila tihsual ber nia lang chu dan ding lai hman dik loh a nih hmel. Director General of Police (DGP) chuan July 20, 2015 khan ex-gratia pek dan turah hian lehkha a ziak a, mahse, a dan tlawhchhan leh a ziah dan a inmil lo. HC-in police thi chhungte zualkona a bihchian hnu ah heti hian a sawi: ex-gratia cheng nuai 10 hi October 27, 2010-a tihchhuah office memorandum hnuaia Clause 11 B hmangin pekchhuah a ni a, DGP thupek chuan “militants” te’n heng police te hi an kaphlum niin a sawi. Mahse, Clause 11 B hian militants kut tuara thi te compensation pek an nih theih dan a huam lo.

Police thi ta te chhungte chuan Clause 11 C hnuaiah zawk ex-gratia hi an dawng tur niin an sawi a, Clause 11 C hnuaiah chuan cheng nuai 15 theuh an dawng zawk tur a ni an ti bawk. Hetianga dan tlawhchhan leh dan hman dan a inmil lo a awm avang hian HC chuan Police hotute chu HPCD-te nihna tak sawifiah turin thu a pe a, HPCD te hi “terrorist” nge an nih a, “anti-social elements” nge an nih a, “militants” nge an nih a, “extremist” nge an nih sawifiah turin a hriattir.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s