Mi Zo Leh Vai / DAN THIK THU

Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


M&V

Mizo thenkhat te hian Vai ho (Hindu) dan thik duh hle te kan awm a; Vai dan kher-mei em em Assami ho dan te hi an duh hle mai thin a; mani hnam chi chawi-mawi zawk a tha shi a. Tin, Vai ho te hian “Mizo sebawng sa ei te mai mai chu!” an ti te hian an in-chhir thei em em mai a; tin, heti te hian an ti thin; “Vawikhat pian man a Vai tal a kan lo piang lo tak chu,” te an ti thin a, Vai lekha-bu tha te hi rin-tlak a ni bik hek lo; tin, an lekha bu a hian thi hnu-in mihring a bawk kan thlarau a awm leh ta an ti a; chung te chu an lo ring ta deuh deuh thin a. Thi hnu nung kan zinga lo kal pakhat mah kan hmu shi lova, dawt ti hriat reng reng a ni shi a; Tin, hetiang te hian an ti a, “Ka thi hnu a ka thawh leh chuan lekha tam tak in ka zir zawk tawh ang a, lal a awm mawlh ka tum ang,” an ti thin a. Pian leh te chu hnai lo ve! Khawvel a thil tha kan tih leh Pathian hnena thil tha keng-in kan kal tur a ni ang; thil sual kan tih chuan hrem hmun a min kal-tir-lui-tur a ni ang. Tin, Vai dan pawh nimashela, hla pakhat ang bawk khan, an dan tha chu kan pawm ang a; a tha lo chu kan kal-pel zel mai tur a ni ang.

Tin, Vai dan sual pawh zawm-tlak a ni hek lo; Zo dan sual pawh zawm tlak a ni lo shi a; hnam-tin dan sual kan ban zel ang a, an dan tha chu kan thik zawk tur a ni ang chu. Tin, lekha zir te hi dan sual a ni hek lo va; zir-tir-tu-in skul a tuma’n dan sual anzir-tir duh lo vang chu; hmeichhe lekha zir te hi sual an ti thin a, an thiam thei phei chuan-in mipa ai-in an hman-tlak shi a. Thil engkim a sual lama kan … tak a chuan engkim sual kawng a ni ang a, sual-lo-tur in Pathian lam zawh hram hram i tum theuh ang u. Chu chu chatuan nun hmu na a ni; … lo chu kawng dang a awm ring duh shuh u.

Phulpui Khua Khianga

 He thu hi Lekha V, May 1904, phek 11 & 12 atanga lak chhawn a ni


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s