Rambuai Thu leh Hla/ Ramhnuaimi kum zawn in tam, tanpui ngen

abc

Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e


Ramhnuaimi in an tam thu a thlen, hotute hnenah tanpuina ngen

D/123-89

To

The Chief Commissioner,

Northern Area.

Ka pu,

Khawngaih tak in ka manganna rawn sawi hi min ngaihtuah hram tur in ka rawn ngen a che. Tunah chuan ei leh bar tur zawng zawng chu a riral zo ta.

Buai tan tirh atang khan khawthlang lamah kan kal a zak leh hmuam kan chham ta a. Thawmhnaw kan ken tha tha te chu kan hralh zo ta a, April 2 khan Khawrihnim ah M.P. hnenah kan sawi a. Pu Sainghaka te hnena kal tur in lehkha min siam a, pawisa tanpuina dil turin Sainghaka hnen kan thlen chuan sem tur chi chu kan ichhuak zo tawh an ti a.

Northern Area ah G.O.C – in C chu Chaltlang ah chuan kan hmu a tangka a awm hlei nem an lo ti leh ta a, kan beidawng ta a ni. Mahsela, T.O. in hna min pe leh a thei tawkin kan thawk zel a. Tin, T.O. No. 002 Bde H.O.N. Div. chuan tunah pawh duty hna chu min pek belh reng a, mahse kan in an hal hnu ah thlam lam ah kan awm a, lo lam chu ni hnih chhung chu siapi chuan an rawn tan hnu ah chuan zn lamh te min rawn bei zel a. Bahra bul ring pawh a kan ram chu luah hram hram kan tum a tun ah chuan a theih ta ngang lova, kan lo chhung phawng ta a. Chaltlang a kan han belh te lah chu an buh neih chhun lah chu a lo kang zo ve leh zel ta si a.

Tun ah chuan ril tam a thih mai loh chu hma chhuan tur a awm ta lo a ni e. Siali mu a thih ai chuan riltam a thih hi a hlauhawm ta zawk a ni.

In siapi chhawr lai.

Sd/- Corp. Rodinga

Bualpui

31 B.N.G. coy.

Pu C. Commissioner hnenah.

Corporal Rodinga an mangan thu i hnen a rawn thlen hi tanpui na awm theih ang apiang a tanpui ngei tur niin ka hria.

Tun hmalam tang in amah hi kan hriat chian a ni a, asawi ang hian kan ram leh hnam zalenna atana in hmang zo peih mi a niin ka hmu a. Tun thleng in harsa tak a a nupui fanau te buaipui chungin theih tawp chhuah a bei mek leh beih zui zel la in huam a in peih reng a ni.

Granted Rs.20/-

Sd/- Ngurkunga. 20/5/66

Sincerely,

Commissioner,

Northern Sub – Area II

Ramhnuaimi au ri hria, hotute’n puih theih dan dap

D/123-90

GOVERNMENT OF MIZORAM

OFFICE OF THE CHIEF COMMISSIONER.

NORTHERN AREA

No. MG (CC-N-R/R) 12/66/2 of 30-5-1966

 

To

The Chairman,

Village Parliament,

…valilawn

 

Pu Chairman,

Hei pu Rodinga hi kan Mizoram sawrkar sipai rinawm tak, ram leh hnam chhanna tura a thawh zel theihna tura mahni neih pawh hralh zela, in leh lo chan zo ta vek a ni a, tun hmalam a hetiang mangan na pawh tuar huam a lo in pe tawhsa, mangan na a lo tawh tak avanga tanpui tanpui alo tul hnu hian, khaw zawl leh in leh lo la luah lum thei tena hetiang mi mangang, Ram leh Hnam tana inpe zo te hian hna an thawh zel theih nan, theihtawp a lo tanpui hi Mizo zawng zawng tihtur a ni a, chuvangin a nupui fanau awmna tur lo buatsaihpui nghal ang che u, amah hi chawl hman anih loh avangin, khatah khan ni hnih khat bak a cham thei kher lovang. Hetiang mi mangang lo tanpui hi kan ram leh hnam tan tlawmngaih lochhuah leh zel turin, Pathian hming in ka ngen a che u.

Rinawm,

Sd/- Ngurkunga

Chief Commissioner.

Northern Area

Mizoram.

Dated Aizawl

May 30, 1966

Pd. Rs. 20/-

Kum a liam, ramhnuaimi in a chhungte tam pui turin ngenna siam ve leh

D/123.88.

Entered.

 

To

 

The G.O.C – inc Northern Division Mizo Ram.

 

Sub:-     Tanpui dilna

 

Ka pu,

Khawngaih takin ka dil na hi min ngaihtuah sak tur leh a tul ang a action la turin, i khawngaihna sangber ka ngen e.

Kan ram in a zalenna hmu tur in a beih na ah hian party din tirh tangin kan khua ah leh kan tlangdung ah te a paw chhuaktu leh a din tu ka ni a. Thildang ber aiin ka tuina a nih avangin ka hun tam tak ka hmang a. Tin, volunteer siam chhuah alo nih khan ‘S’ Bn. ah medical officer atan appoint ka lo ni a. Bn. fang turin leh party lova tul naah te ka buai thin avangin ka nupui fanau te pawh ka lo enkawl tha hman ta lova. Thil tam tham nilo mahse ka sum deh chhuah chhun te chu an lo ei zo ta a.

Tin, Independent puan … in lam tlawh lovin, tanpuina engmah pawh pe lovin ka awm bo san ta zel a. Medical officer a ka thawh na thar western comd. atangin ka nupui fanau te chu dinhmun harsa ve tak ah an lo ding ta a. Chuvangin Ram tana ka thawhna hi ka chhun zawm zel theih nan pawisa lama tanpuina min ngaihtuah sak tur in ka ngen a che.

 

Rinawmin

Sd/- Dr. Thuama

Medical i/c

Western comd.

Dated, Buhpui

The 14th may 1967

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s