GST hnuaiah damdawi, cement leh smartphone te tlawm zawk beisei

Mizoram sorkar chuan India pum huap a ruahman Goods and Services Tax (GST) tualchhunga hman ve anih theihna tur Mizoram Goods and Services Tax Bill pawm anih theih nan May 25 hian ni khat awh Assembly Session a ko a. He thu ziah lai hian engtin tak nge session ah MLA te’n ro an rel tih hriat hman nilo mahse, sorkar laipui hnuaia Press Information Bureau chuan Thawhlehni (May 23) khan thuchhuah siamin GST-in mipui mamawh \henkhat te a nghawng dan tur a sawi.

PIB thuchhuahin a sawi dan chuan damdawi te, cement te leh smart phone man te tlahniam thei tura ngaih a ni a. A chhan chu heng bungrua te hi ramchhunga July ni 1 a\anga GST hman anih hma an an chhiah chawi neuh neuh aiin GST hman anih hnu a an chhiah chawi tur hi awlsam zawkin siamrem anih bakah chhiah an chawi tur a tlahniam hret dawn vang a ni.

Sorkar laipui thuchhuah chuan cement hi Central Excise Duty ah a man a\anga za-a 12.5 leh VAT ah za-14.5 chawi \hin a ni a, Central Sales Tax te, octori te leh entry tax te nena chhut chuan cement bag khat zela chhiah chawi hi za-a 31 vel a ni a. GST hnuaiah erawh chuan za-a 28 chhiah chawi a ni dawn thung niin a sawi.

PIB tarlan dan chuan damdawi chi hrang hrang – AYUSH damdawi te tiamin –chhiah chawi tur te pawh a tlahniam dawn a ti a. A tlangpui thu in hengte hian Central Excise Duty ah za-a 6 leh VAT ah za-a 5 an chawi \hin a. CST, octroi leh entry tax te nena belhkhawm chuan a vaiin heng man a\ang hian za-a 13 vel chu chhiah ah a kal \hin a. GST hnuaiah erawh chuan za-a 12 ah a tla dawn a ni. Hetiang chiah hian damdawiin leh doctor te hman chi hmanrua (medical instruments) te pawh an chhiah chawi a tlahniam dawn a, an man pawh tlahniam tura beisei a ni.

Damdawi leh tihdamna lama hmanrua te ai hian smartphone man pawh a tlahniam hret thei tura chhut a ni a. PIB sawifiah dan chuan smartphone te hian Central Excise Duty za-a 2 leh VAT hnuaiah za-a 12 vel a chawi tlangpui a. Belhhkhawm chuan chhiah za-a 13.5 vel smartphone ah hian chawi a ni a. GST hnuaiah erawh chuan za-a 12 velah a tla dawn a ni.

Sorkar laipui thuchhuah ah hian Puja samagri leh Havan samagri te chu GST hnuaia “NIL” category ah dah ani ang tih a ni bawk a, hei hian Mizo te chu a nghawng kher lo anga, mahse thuchhuaha a awm chhan hi a ngaihnawm viau mai.

Thla engemaw zat hnu ah GST Council chuan May 18-a Jammu and Kashmir khawpui Srinagar-a \hutkhawm khan bungrua chi hrang hrang 1,200 chang zet te ah chhiah engzah chiah nge lak tur a tih chu a rel fel a. Mipui mamawh tak tak thil te leh nitin a hman chi bungrua te chu chhiah chawi lo tura tih an nih laiin namsak chenna lam thil leh nitin mamawh ni pha em em chiah lo te chu chhiah chawi theihna tur chi hrang hrang hmun thum ah \hen an ni a. Beisei angin, mi \henkhatin hetianga nawmsak chenna tur thil chhiah chawi sang leh an man to tur chu an sawisel laiin midang chuan nitin mamawh thil te a tlawm phah tur chu an fak a. Mahse, sorkarin a rin loh lam daih a\angin sawiselna a tawk ta tlat mai: GST Council hian Hindu leh sakhua dang zawm tute’n \awngtainaa an hman chi – agarbati te leh halral rimtui te – chu engzah chiahin nge chhiah chawi tir tur anih a lo la rel fel hauh lova. Pawl \henkhat chuan agarbati ah chhiah za-a 12 lak ani tur chu an ngaithiam lo hle a, sa ah chhiah a awm dawn loh laia an \awng\aina hmanrua berah chhiah za-a 12 lai a awm thei tura ngaih chuan an thin a ti ur hle a ni, tamtak chuan heng ah hian chhiah lak ni lo se tiin an sawi hial.

Sorkar chuan rang takin hma a la nghal a, GST Council Srinagar-a a \hutkhawm tlai la la hian Central Board of Excise and Customs chuan thuchhuah siamin heng thil te hi “NIL” category ah an awm phawt tur thu a sawifiah nghal a. Tunkar a PIB thuchhuah ah pawh hian hetiang hian a sawi nawn leh a ni.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s