Rambuai/ Tualchhung hotu te tana MNF instruction chhuah

D/86-19

To all village authority:

Heng a hnuai a instruction zawng zawng hi khaw khata Tualchhung hotu zawng zawng chuan tha tak a zawm nghal vek tur in Mizoram sorkar chuan a ngen in a hriattir a ni.

  1. Tunah chuan India sorkar milem be ho te hian Dan pawh zah lova, nunau te pawh khawngaih leh pawisak chuang lova an theih ang tawk a an in tih ropui na ralthuam te kan ram ah a han hman tak avangin kan Mizo sipai te chuan ngam in zuam hle mahsela kan mipui nunau te chungchang ngaihtuah loh theih loh alo nih tak si a chuan chetdan danglam deuh te pawh thlak a tul mai thei a. India sipaite chuan khawpui an luah chuan zawi zawi in thingtlang leh kawngpui tlang dung ah te, an mahni outpost te pawh lak a, thu tha sawi tha duh lova kan mizo sipaite a beih zel dawn chuan englai mahin kan dawh mai dawn lo tih Mizo sorkar chuan a sawi duh a ni.
  2. Tunah chuan khawpui chhung mipuite an chiai deuh avangin, bungraw chuh hman lo khawp a an tlanchhuah a, thingtlang a an in saseng tak avangin keini sipai ten silai a han chhan chu mipui bawk in an tuar ang tih kan hlauthawng deuhva, India nunrawn leh sual na te han ngaihtuah hian, tlem a han tawlh deuhva mipui awmhmun han benbel tir leh phawt hi thain a rinawm. Kan chetdan tur chu a remchan dan ang ang in a nih tawh mai dawn in alang a. Khawi i hmun ah pawh sipai (India lam) te chu vak in, kan sipaite … an em em dawn tih hriatsa a ni a. Chubak ah kan zingah pawh rinawmlo, kan ram leh hnam lo hralh duh mai turte pawh an awm thei bawk dawn a. Khaw tinah beng chhit a hun in, chutiang India sipai chetzia leh misual chetzia te hrethei renga, inveng tawn leh keimahni sipai hotute hnen ah thil awmdan chu thlen zel tur a ni.
  3. India sorkar hnuai a hnathawk (Govt. servant) zawng zawng te chuan an mahni hna vawn lai te chu India sorkar hnuai ah chuan zawm duh lova, bang nghal vek tur in Mizo sorkar chuan a sawm a. Hetiang kan tanrualna entirna hian silai hlauhawm ber ai pawh in India sorkar rilru pawh a khawih in, a ti nem thei ber ang. Chuvangin hei hi keimahni thian leh chhungte, Mizo tawh phawt chu kan sawm in kan ngen nghal bawk a ni.
  4. Tunah in khawchhung ah tunhma lama sorkar thar din a, Independent sawi chhe thin leh Union lama mi tui em em thin te pawh tualchhung hotuten thu tha sawi pui in an rilru hmin tum tur a ni a. Hemi kawng a harsatna a awm chuan Headquarter ah emaw Mizo sipai hotu awmna hnai ber ah emaw report tur a ni ang.
  5. Mipui rilru ti chiai thei tur leh India sorkar lam hlauhawm thusawi a, kan sipai te leh mipui reng reng sawi hlauh ching a, thil harsatna lam ngawt thlir a, vantlang hmaah emaw, titi na ah emaw thusawi ching mi chu tualchhung hotute’n chutiang thil chu an tih tur anih loh zia leh sawi leh ngai tawh reng reng lo tura hrilh hmiah hmiah tur a ni.
  6. Engtik hun ah emaw kan Mizo sipai ten a ruk in emaw ualau deuhvin emaw khawchhung ah duh mamawh an neih ang ang – chaw emaw information emaw mi tirh tur emaw a tul ang a piang ah volunteer leh khawchhung hotute chuan theihtawp in lo tanpui zel tur in Mizo sorkar chuan a hriattir a ni.
  7. Mahni khawchhung ah leh kawtchhuah a a remchang ang in duty mi chetzia hre tur mi fel dah reng theih a tha ang.
  8. Khaw tin ah mahni inrel bawl na mamawh ang bakah buhfai ser lo aia tlemlo kawl theuh tur a ni a, hei hi a tul ang in Mizo sorkar chuan a sipai te leh mipui mamawh tur a lam hun ah lo lei tir zel tur a ni ang.
  9. Tawngkam thlahdah chinglo tur in mipui reng reng hrilh vek tur a ni a. Tawngkam tul lo hian sipai nunna tam tak a hlauh tir theih avangin mi tupawh chutiang anga in sum na chang hrelo chu na tak a hrem tur an ni ang tih Mizo sorkar chuan a hriattir a ni.
  10. All India Radio thupuan diklo ziate, thudik nilo dawt ngialngan pawh mahni hmaiphih nana hmang thin milem betute hi ngaihthlak tlak pawh a ni lova, lo ngaihthlak pawn sawi sawi tlak a nilo, ngawihpui mai rawh se. Mi rilru ti chiai thei tu a ni a, intih bengvar tum nan Radio thupuan tia sawi fo tur a ni lo. Chutiang thusawi chhawn chingte chu Mizo sorkar leh Ram tana mi rinawm an ni ngai lovang.

Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s