Mi Zo Leh Vai/ RIH THU

Rihdil

Rih hi Mizoram a awm ngai mang lo avangin, ram kher-mei-deuh va awm ta chu, “A huai phawt ang,”  ti-in kan hlan deuh tun-hma-in.

A huai zia: Rih hi a-tir-in Champhai a awm a tum a; she-pui tia lai-in a thlawk vak a; a leng ta lo; a thlawk leh a rih hmuna khian a awm ta a. Sangha te a changin tam tak a in-lara, chu chu a huai a ni, a chang in pakhat mah a lang lo. A kiang a ria in ramhuai-in mi shawi-sak leh mi fiam an hmang.

A mak zia: A lai tak a khawmual tui khip-tleng emaw a, kal-na a awm, tuma erawh an kal kan hre shilo, a changin tui a mal-pui tia lai pawng-in a kham kai thin. Rih-ar a awm: a tui lak chuan hla tak kal in in-hre mah ila, a pangngai a kan la awm fo. Sa lian deuh: sai te, sazuk te a lian ropui deuh a piang a thi dawn-in zuang-lut; sia-ngho a tam. Rul lian pui pui a tam, a fep nei pawh a awm: chu chu a huai a ni bawk. Tin, hmana Vai-in a chhunga sai-ha te a tam avangin lai-cha an tum a, nasha deuhvin an lai tawh a, a shah dawn tawh a, tui a lo hnam a, rul te an lo hnaia; tin, lui a len-bo an hlauh avangin an lai ngam ta lo; tin, thang-thar tleng in chu mi a tui-thawl khat a tui va dawh ngam chu a har, mi-huai an-ni.

Mithi kawng: Mi-tin an thi-in khi khi an kal-kawng a ni, tui-thawl chhin pawh an thlauh thin. Tin, mitthi te an in hmua na hmun deuh a ni. Chhun re lai tak a kal-in talh-kuang te an vaw ri thin, a kama thing tlar, tuipui shut-hlah, khi an pal a ni.

Ti-ti: Hman lai –in ram-chhuak ho khat a kama an riak a; zan-laia pakhat chu a harh-a, a harh a nupui chu a thi a, a thlarau chu, midang a hmuak-tu-te nen an lo kal a, an beng chheng hle a; tin, a nupui chuan “Ehei! Rap pui-chung-shang a ar-tui ka dah a, naupang ka pe thei-nghil ta” a ti a.

… shela khu-hriang angin a kum zel, chham-ek a tam em em, min phuar hlum dawn, thuk lutuk ka lut thei lo”

Tin, a hleuh dawn-in “keima Dar-kawl-chhun-chheka Rih-li a a tla ngai lova,” a ti thin.

Chutingin tunlaia tlangval emaw pawhin tui an hleuh dawn-in an ti ve thin, fiam-thu in. Tin, he ti-ti… dawt te ani thei; mah she kan pi-leh-pu thu tawh ani avangin, nakin a thang thar in an la hre duh zel ani thei e. Tuna mi tin in kan hre deuh.

– Dala, Rasi veng

He thu hi Mi Zo leh Vai Chanchin Lekhabu, Lekha VI, May 1904, phek 7 – 9 atanga lak chhawn a ni


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s