Rambuai Thu leh Hla/ MNF-in lo hal dan tur thupek chhuah

D/204-5

COUNCIL OF MINISTERS MIZORAM

JHUMING ORDER NO 1 of 1967

Kum 1967 atana thlawhhma lak dan tur order chhuah kha a hun taka chhuah anih loh avangin Mizoram hmun hrang hrang a lo nei dan leh lo hralh dan te a in an loh nual avangin kum 1968 atana thlawhhma lak dan leh ram tuk dan chu a hnuai ami ang hi ani ang:-

  1. Mahni ramri huam chhung theuh-ah village council ten lo tur ram an theh thei anga, an khaw mamawh zat aiah chauh ram an theh tur a ni.
  2. Ramri siamfel sak loh khuate chuan lo atana an mamawh leh an neih duh ram lo enkawl thintu village council te nena in be rawn hmasa zetin an ram theh tur chungchang ah remchang an zawng tlang tur ani. Khawpui emaw khawper emaw tunhma a village council khat a awm thin tunhnu a village council pek thar te chuan an awmna thin village council te nen joint committee neiin ram theh tur an ngaihtuah tlang tur a ni.
  3. Village council pakhat hnuaia khawper emaw, thlawh bawkte emaw chuan an awmna village council rawn hmasa zetin ram an theh tur a ni.
  4. Mahni neih ai midang neih … emaw, neih sen loh khawp lo atan pawm phal ani lovang.
  5. Tuikuk, Takam, Pang leh chi … phaia awmte chuan an awmna village council te … hmasa lo chuan an duh lai lai lo atan an nei thei lovang.
  6. Kum 1968 chhung a ram tuk tur nei mumal lo chuan khaw thenawm village council ram an dil in Mizoram harsatna … ei leh bara kan intodelh pawimawh zia hre rengin ram neituten an dilna an ngaih pawimawh sak ngei tur a ni. Chutiang thila har-satna leh buaina a lo chhuah palh chuan Deputy commissioner ten thu tawp an nei ang.
  7. Lo thlan dan leh mahni mamawh tawk tihfel thu ah chuan khaw tin village council ten tha an tih angin an ngaihtuah tur a ni.
  8. Luipui dung leh phai, Forest Department-in a humhalh bik te chu sawrkar laipui atanga phalna la hmasa lo chuan lo atan theh theih a ni lo.
  9. Khawtin in kum 1968 lo tur hi hralh ngei tur a ni a, an hralh zat tur chu khawtin remchan dan a zir ani ang. Nimah-sela a hnuia tarlan ang pawisa hi chu Mizo sawrkar ah an pe lut ngei tur a ni ang. Lo hralh na pawisa atanga sawrkar hauh chin an pek hnuah chuan a bang awm ang ang chu tualchhung mamawh atan hman theih a ni a, tin, sawrkar chanvo hi buh pawhin pek theih a ni.
  10. i) In 60 chin hnuai lam khua-in – Rs. 360.00
  11. ii) In 61 atanga in 100 chinin – Rs. 420.00

iii) In 101 atanga in 140 chinin – Rs. 480.00

  1. iv) In 141 atanga in 180 chinin – Rs. 540.00
  2. v) In 181 atanga in 220 chinin – Rs. 600.00
  3. vi) In 221 atanga in 260 chinin – Rs. 660.00

vii) In 261 chin leh a chung lam in – Rs.720.00

  1. Lo vah leh hal hun, buh tuh hunte leh thlai chin tur leh chin loh tur. Kang mei thu-a ram venhim dan chungchangte chu Commissioner leh Deputy commissioner ten an bial awmdan a zir theuh in an siamin an bithliah thei ang.

Sd/- Sainghaka,

Home Minister.


Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s