Mi Zo Leh Vai/ Aizawl sap ho-in-chai thu

Kum thum emaw lai a ni ta, sakawr chunga chuangin englo hlum an vaw thin a; an vuak-na chu hruipui hi a ni a, a hmawr a thing ahuih-mum kephah chen lai hi an vuah a; chutichuan an vaw thin a ni. Rawsawt lak kar khat a vawi hnih an in-bei thin a ni: an in-bei ni te :- Hemi ni hian an in-bei thin a ni; tin, hman a khan Jemadar pakhat a tla a, a thi thelh a, a ban te a tliak a; thla khat lai a sil-a. Tin, chumi zawh thla hnih lai dana Kawmanding sap a tla leh a, chu-ting bawk-in a kawng-ruh a herh a, thla khat leh a zat-ve lai a sil –a.

Tin, kum-khat lai a chin-a Sibudar Madbar Chhetri hovin an in-bei pek a; an in-bei ni chu tarik 29 na March 1904, Ni-nga-ni a ni a. An englo hlum chu sakawr chung-a chung-in an um vak vak a; chumi an um lai chuan sakawr dang alo tlan chiam a; Mudbar Sibudar sakawr nen chuan an in-shu vak a, an tlu dun ta a. Sibudar chu sakawr-in a delh a, alu te a keh a, a thluak te pawh a langa.

A tluk veleh chuan Jemadar pakhat hian a engmah dah hman lovin a tiang te nen a tlan a, Kawmanding-sap leh Dawktawr-sap a va hrilh a; chutichuan sap chu an tlan-phei a, Damdawi-in a dar-kar-hnih emaw chauh hi a awm a, a thi ta a.

Chu sibudar chu mi zai-dam tak, nun-tha tak a ni, tuma hnena mi vui-na tur-in a awm ngai lo; mi zawng zawng-in kan ui em em mai: tin, Sap leh Sibudar leh Jemadar zawng zawng-in ni 15 an shun a ni; he mi hi mi ui-awm em em a ni.

Tin, tupawh in a chan chin bua, hman lai thu emaw, huai deuh pawh an ziah dawn in; ni te, thla te, kum te an hriat tel kher ziak rawh she ( “Tarik” an ti hi) An hriat chiah lo chuan, an rin tawk tal.

Dohnuna H.K. Rasiveng.

He thu hi Mizo leh Vai Chanchin Lekhabu, Lekha VI, June 1904, phek 11-12 atanga lak chhawn a ni

 


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s