Mi Zo Leh Vai/ ASSAM THU III

Assam ram chanchin te.

(1) ASSAM-Tak

(Brahma-putra lui dung ruam) Kum za khat lai a ni ta, Kawl-vai (Burma ho) ram a ni; tin, 1824 a he sawrkar leh Kawlvai thu a lo buai ta a; tin, an rem ti-in Sawrkar-in an nei ta a. Ram atha em em a kum tin-in buh vawi hnih an sheng. Tin, thing-pui hnah tha-tak, tam tak an shik, huan te a tam. Tin, “Assam tea” ram tin-a a hming a thang.

Tin, thil-dang te pawh a tam: Dibrugarh lama lung-alh thei te, khawn-var tui te nen. Tin, hmar cha thing te, Nowgong leh Kamrup lama a tam; tin, Zi-za pawh Golpara lama an hmu tam.

Tin, lawng-in Kalkat khua a’n Dibrugarh thleng in an kal thei; englo an phur thei: an englo kha man tak in an hmu thei: Tin, khaw-mual lawng in Kalkata Ngai-ban-tlang  tlanga’n  Gouhati an thleng thei ( “Assam Bengal Railway” an ti kha) Tin, Assam tak( hmun ruka an shiam a khan) mi 2,619,071 an awm; mel ki li 24,283-in a zau. Tin, a tawng Assami a ni; an biak-dan hindu a ni ber.

Khua then khat pawi-mawh deuh an awm; sum dawng pawh a tam deuh: lui dung a an awm theuh.

DHUBRI: Bengala’n Assam lu dawn-in an man “Assam kawng khar” an ti lam a khan.

GOUHATI: Khawpui ber. Heta “Commissioner” sap a awm. Lui kama khua awm-na mawi tak a ni. Hetan khasi ram tlang a Sihlawt khaw thlengin lam-lian an shiam ta. Heta’n sakawr te’n taw-lai a mihring Shillong khaw thleng-in a hnuk: mel 60 lai: dar 9-a an thleng, sakawr an thlak zel a ni. Skul sang “Cotton College” an ti kha an lo shiam hlim ta. Gouhati a mi 11,664 an awm.

DISRUGARH: Lui hmar lam, Assam kil hmar-lam a ni. Mei-lawng a lo thleng thin. He lama lungalh-thei te, thuil-dang nen a tam.

 

2.SILLAWT LEH HRINGCHIAR:

Surma lui-dung a: (a) Sillawt ram lal rei tak a ni ta, 1,765 a, Kampani ram a lo ni. Ram tha tak a ni. Kum tin-in buh vawi 3 an sheng. Mihring 2,240,000 ai-in an tam. Mel kil-li 5,443 a ni. An khaw-pui STLUET a ni a, Burma lui kam a mihring 14,000 lek lek an awm. Skul 2 shang deuh “ College” a awm; a vel a thing-pui huan te an awm.

(aw) Hringchar(Cachar) Kum za khat lai a ni ta, Meitei hovin an nei a, tin, Kawl-vai hovin  an chhuh-shak tawh tur a ni; nimashela Kampani in Mei-tei an tanpui a, tin, 1832 a Briten ram a lo ni ta. Kum 1857 Mutiny(Miutini) lai khan Vai sipai pawl khat, Satikang a awm khan a hel pui a; tin, cachar a sap sipai pawl pakhat ( “ Sylhet light Lufancy” ) chuan an mani an hneh a. Buh an tuh tam. Tin, thing-pui huan te a tam mai; Zoram lam a kawng-tluan in thing-pui huan a awm rih. Mihring 415,000 lai an awm; mel kil-li 2,003 a ni. An khaw-pui SILCHAR(Hringchar) a ni; chu ta chuan Mizo an kal fo; lui dang a awm, sum-dawng an tam; mihring 9,250 lai an awm.

Tin, NGAI BAN TLANG(North Cachar Hills) a zawm a ni. Hrang-kawl an tam. Mihring reng an tam mang lova, Haflong an khaw-pui a ni.

 

  1. GARO TLANG TE:

Hmana an run thin; tin, an chung a thu an lo nei deuh deuhva, tin, 1866 a Tura khua a Sap an awm tir a, tin, 1,872 thla-shik a, an ram an kal-tlang a. Garo ho hi Mizo ang an ni. Mi 138,000 ai an tam; an ram chu mel kil-li 3,140. Ram-huai bia an ni ber. Tuna erawh chuan Pathian thu awi(Kristian) an pung ta deuh hle; skul te pawh a tam. Tin, Jura khua a skul tha deuh a awm, kum 5 lai a ni ta chu mi skul a chuan mi 130 an tling thelh.

 

  1. KHASI LEH JANTIA TLANG TE:

(a) Khasi tlang tlang-a lamlian shial an in-rem a; chutichuan Gouhati leh Sylhet an in zawm a, an kawng shiam-in kum 1,829 thu a lo buai a, an in-dova; tin, 1833 a Cherra khua a Sawrkar a lo thu a; tin, a hnawn em em avangin  1,866 a Shillong khua a an shawn ta a. Tin, an ram luah hma in Khasi hovin phaituala (Sylhet) an ram bawk thin. Khasi leh jaitia ho mi 202,000 a an leng tawh lo. An ram mel kil-li 6.027 a ni. Khasi ho hi, thing-tlang a mi zing a lekha  thiam tam ber an ni. Hmeichhe- nau-pang-in India mi zawng zawng ni-in an thiam tam.

Shillong khua a hmeichhe-naupang skul tha tak a awm; mi 150 lai-in an zir. Kum 60 lai a ni ta Pathian rawngbawl sap an kal-in  ramhuai bia an ni vek. Tuna erawh Pathian thu awi 20,000 lai an ni.

Tin, khasi rama thil a tam: Serthlum te, Lung-alh-thei te, chinai-lung te, alu te ( kum 1901 a mawnd 7,000 lai an thawn chhuak, kum tin-in vawi hnih an ching.)

An khaw-pui SHILLONG a ni, Chief Commissioner a awm a ni: mi 8,400 an tling thelh. Skul sang a awm in, Khasi biak-na in mi 1,000 len theih-na a awm in, Cherra khua a ruah a tla tam ber, khawvel zawng zawng a: Aizawl a “inch” 80 lai a tla, Cherra a … a leng tawh love.

(aw) JAINTIA: Jaintia nen hmana ram zawl a tel a, an lal a lal deuh bawk a. Tin, 1832 a Sawrkar hnuaia mi an man a. Mi 9-in an pathian nu, kali hnena an thawi a; tin, a pakhat chu a tlan bo ta a, a hril a. Tin, chumi avang pawh chuan an lal-in engma a ti sak duh mang lo ve. Tin, 1835 a Phaitual ram an nei ta a: tin, a thing-tlang a pe bawk a, eng-lo a hmu-in.

 

  1. NAGA, MI-RAWNG:

A run-in anmani thu a lo buai bawk thin; tin, an ram an luah telh telh a. Tin, KOHMA a tuna khawpui an awm ta a. Tin, kum 1,891 a Sawrkarin chuta chuan awm-hlen-turin an tum ta a in-do a hnu-in: Mi-rawng chu nasha-takin an do va. Tin, Naga ho hnam tam deuh an awm. Mi 102,000 an leng tawh love: an ram mel kil-li 3,070 a ni, ramhuai be tu an ni ber.

 

  1. Lushei tlang te: “ chanchin bu” a March 1,904 en ila.

He thu hi Mizo leh Vai Chanchin Lekhabu, Lekha VI, June 1904, phek 3 – 7atanga lak chhawn a ni


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s