Mi Zo Leh Vai/ Vai lam thawn thu

M&V

Lal pakhat hian mu mang a nei a, a tuk zinga chuan a thei nghil leh ta a, lalkhawn bol hnena chuan nizana mu mang ka nei a, chu chu ka thei nghil lehta; Nang i sawi tura ni ang a ti a. I sawi theilo chuan in chhung in ka that vek ang che u a ti a. A khawnbawl chu a lung-ngai ta em em a, a in a a haw a a nupui hnena a shawi a, a nupui nen chuan an lung-ngai chu an tap an tap mai a. A fanu chuan “Tuna nangni putar leh pitar in ni tawh a, heti-ang thu mai mai a enga-nge in tap? “ a ti a.A pa chuan “Lal in mumang a nei a, a mumang chu a thei-nghil leh ta a, chu chu “a shawi ang “ min ti a “I shawi lo chuan in chhung in ka that vek ang che u min ti a “ a ti a. Tin, a fanu chuan “keima’n kan shawi ang e” a ti a.  A pa chuan  “Nang naupag te tak te i ni, kei puter tawh pawh in ka shawi theilo ani hi” a ti a, a fanu chu a hau hrep mai a. Tin, an fanu chu  aruk in an lal hnen a a kal a, lal chuan “ Enge i duh?”alo ti a. Ani chuan “Ka pa hnena ‘Ka mumang i shawi lo chuan in chhung in ka vaw hlum ang che u’ i ti a, chu chu kan shawi dawn ani” a ti a. Lal chuan i sawi thei hlei lova bge a lo tisam a, ani chuan anih loh le ka sawi ang aw a ti a, a sawi ta a. “ I mu mang a rangkachak thleng in chaw ilo ei dawn a, chu mi chu mihang lian tak pakhat hi alo kala, a ei shak che a ni e a tia, a ni tak a shin a ti a chu chu eng tih na ngai nge? a tia a zawta, ani chuan i nupui, a uire thin e ati a, anih chuan engtin nge an awm thin? A ti a, ai chuan i len hlan in tlangval pakhat nen an in pawl a, nang i lo hawn veleh hemi thing rem chhung a hian a khung thin a ni e, tuna saw mi thing rem saw va hawng teh a lo then nur mai ang chu a ti a” a ti a. Ani chuan ava hawng a alo awm tak tak rohva: A nupui chu a vaw nek a, a tlang-val pawh chu lei hi thuk tak in an lai a, chuta-chuan a letling in an phun a. Chutichuan a khawnbawl te chu “Ka lal zat-ve lal ulangin ka ei ang pawh in ei ve zel ang” a ti a. Tin a khawnbawl fanu chu an in a a zuk haw a, a nu leh pa chu an lo tap tap mai a. An fanu chuan “Enga-nge in tah fo mai le?”a ti a. A pa chuan “I mi tham loh anan e mai”a ti a: an khuate shipai zawng zawng chu an hnena “Ka fanu atan hian khawvel zawng zawng zing a mi a ber mai a pasal atan kan nei ang” a ti a. Shipai zawng zawng chu mi a zawng tur in an kal ta a: thlang lama te, chhak lama te, chhim lama te, hmar lama te an kal chiam a. Chung lai chuan thla-shik lai a ni a, an kalna a chuan zing tak a hian hrenpereng chauh hi a kaih a, vur tlak na a te chuan sebawng … a te hian theite hi a tat thin a, chi a hmeh a a ei thin a: Ha Ha Ha ava mak em a ti a, chu chu shipai ho chuan an hmu a, “Keini’n puan pahnih pathum kan shin pawn kan khua a shik a, ani hetiang ang vawt a te a awm thei a mi a ani lovin an ti a, an mana an hawn pui ta a. Tin, an lal khawn-bawl hnena chuan an va thlen pui ta a: an lal khawn-bawl chuan a fanu hnena chuan “Hei hi i pasal atan nei rawh”a ti a. An in nei ta a. A pasal tur chu hnung lam hawi lo lek in a tlan ta chiam mai a; ani chuan “Ka nu leh ka pa te ka chhandama heti hian min ti leh a, kan chantawk a khaw rel ani a leh” a ti a, tap chung in a kal ta a. A pasal chu a tlan a tlan mai a ni, ram hnuai a hian chhawl-buk hi a lo awm a, chu chu a in ani a; a nupui pawh chu ava thleng ve a. Tin, a kil leh lam a hian thleng keh hi a lo awm a, a in te chu a bawlhhlawh em em mai a: Chutiang ang te chu a nupui chuan a thian-fai a, chaw te a chhum a, chunda zuk te a shiam a a pasal chu a zuk tir a. Nakin tlai lama chuan a nupui chuan chaw a chhum a cha te an nupa chuan an ei dun a: tin, a tuka chuan thing pu tur in a pasal chu a kal ta a. Nitin Shondon thing hi a pu thin a; a tuk leh a chuan a nupui in “I thing put hi khawi-ami-nge i put thin?” a ti a. A tuka chuan a han thlen a, a nupui chuan a han en a, Shondon thing hlir alo nita a. “Hetiang thing hlir em ni nitin hian i put thin?” a ti a. A nupui chumi khua lal hnea chuan lekha a thawn a, “Hemi Shondon thing hi tlawn khat a cheng 100. A ni zel ang” a ti a. Tin, an lal chuan tang ka nuai khat a pe a. Tin, chumi tangka chuan … in an shiam a; kuli tam tak an la a, ni khat a … zel an pe a. Nakina chuan lung in nuam tak an … a, nuam tak in an awm ta a. Ruai theh in mi zawng zawng  an ei tir dawn a, a nu leh a pa an kova; thut-pha chu nuam em em in, in dawt thluah in shiam tir a, a nu leh a pa chu an lo thleng a, ruai an theh a, a nu leh a pa chu hman lai a an lo duh lova, an lo hnawchhua avang chuan an zak em em a, an khaw lama an hawng leh ta a. Chuti-ang bawkin, thian te u, ka pu te u, mi piang-sual leh mi rethei nui shan tur ani love. Mi piang-sual leh mi rethei nui shan a, kan ti-duh dah te hi a tha lo em em a ni, thian pawh a thing lovang. Mi retehi leh Mi piang-sual kan nuih shan chuan nakin a kan chhe ve thei lovang maw? Chhe thei bawk ang chu. Chutiang bawk in hemi thu a pawh nun leh nun a in let ang

A ziak-tu –

Makthanga Lushei Khiangte; Mission veng;

Serkawn 8na, Februari, 1904

He thu hi Mizo leh Vai Chanchin Lekhabu, Lekha VI, June 1904, phek 13-16 atanga lak chhawn a ni


Mizoram a chanchinbu chhuak hmasa ber pawl, Mi Zo Leh Vai Chanchin Lekhabu ami thu kan han chhuah chhawng e. He chanchinbu hi khatih lai a Lushai Hills Superintendent in thlatin a tihchhuah, Sylhet a chhut thin ani. He thu hi a ngai ngai a chhuah chhawn ani.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s