Rambuai/ “Choak arawn-chang tawn”

D/86-16

CHOAK ARAWN-CHANG TAWN

Mahni nihloh ang nih tuma, mahni nihloh dan ang inchhala, mahni mi te bum tuma thil ti tu te hi mi vanduai anni-in; a tawpah chuan anmahni mi zingah hnawngin, lungtenin an awmin, anmahni leh mahni chu hmelma leh mi khawngaihthlak, ngaihdam theih si lohvah an insiam thin a ni. Choak pakhat hi Arawn- chang tawnin Arawn zinga khawsak tum in a kal a, Arawn te chuan an mahni zinga mi a nilo tih an hriat avangin an lo pawm thei lova; Choak dang zingah tel leh tum in a kir leh a, mahse mahni ni loh ang nih tum anih avangin an lo pawm duh tawh si lova, an zinga ta hnawtchhuah a paih chhuah in a awm ta a. A vanduai hle mai. Inchhir teh mahse a sawt tawh si lova.

June 22, 1966 ni khan Mizo pathum, mahni nihna Mizo nih loh tum Vai-chang-tawnin, mipui nei si lova hruaitu a inchhal in, vai zing ah tel tum in Delhi-Nuthlawi Run-ah an lawi lut a. Mahse Delhi Nuthlawi chuan a fate zing ami an ni lo tih alo hriat chian em si avangin, a la nih an tumna leh an manganna thu an han hrilhte pawh chu a ngaihsak derlo mai a. Riltam tuihal in, sum tam tak seng bawk siin, hlawhchham em em in Delhi-Nuthlawi Run chu pan tur lam pawh hre lo in an chhuahsan ta a ni. An vanduai hle mai. Inchhir mahse a sawt tawh si lovang. Mizo te zing ah lo kir leh in, an nih na pangai Mizo nih tum leh mahsela; mahni nih loh ang nih tum an nih avangin lo pawm leh theih an ni silo. “mahni nih loh ang nih tum hi a theih ngai love” ti a hmangaihna nen a theih tawp chhuah a Mizo mipui ten an ngenna pawisa lovatilui an nih avangin Mizo te zing ah cheng tlak an ni ta lova, lo tel luih leh an tum anih pawh in an chan tawk chu paihchhuah pawn lam thima dah a ni ta ringawt mai a ni hi. A pawi hle mai. Tu thiam loh mah a ni lova, anmahni thiam loh ani miau si ale.

Mizoram mipui te heng mi te hian an bum mai mai kan phal thei lova. Heng mite ngei hian ziak in “Keini chu kan sawi tawh thin ang in kan ngawi dawn a, politics lam ah engmah lo ngen pawh kan tum bawk hek lo” tiin an intiam a ( vide-an lehkha 21.3.1966 address to the Secretary Ministry of Home Affairs Government of Mizoram) Hetiang ziak meuhva in tiam kam si a, a tuk lawka Vaichang-tawna an liam leh zahderna reng nei lova, mahni hmasial a mipui bum a ‘ram rawng ka bawl’ ti tute hi ram leh hnam ti chhetute an ni a, ram leh hnam hmelma lian ber anni-in, nunaute tuarna leh mangan na thlen tute an ni tih mipui ten chiang taka kan hriat theuh hi a dik reng a ni. Choak Arawn chang tawn ang nih hi a vanduai thlak em em a ni. I fimkhur em em theuh ang u.

– MIZORAM DAM RENG RAWH SE-

Chhuahtu: Publicity Branch, Mizo National Front General Heahquarters Mizoram.

(Copies-10000)


Rambuai tirh atangin kum zabi chanve lai a lo liam ta. Khatih hunlai a thil thleng thenkhat te lehkhathawn chi hrang hrang hmangin kan han thlirlet e.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s