Aizawla veng laili panga ah zu dawr te’n dan phal lohin zu hralh thin: Jt YMA

Excise Commissioner chuan tunhnaia dan lova zu zuar leh lei thin te awmdan chu a luhaithlak thu TFD a hrilh a. A sawi dan chun tunhnaia khauh zawka Excise-in hma an lak pawh khan zu dawr neitute chu warning pek hmasak an ni a, an sumdawnna a hlawk tho laia dan pela an zawrh zel chuan an dawr te pawh khar sak hial anih theih thu hrilh mahsela, an la tih luih talh zel thu a sawi.

 

Aizawla veng laili panga – Electric Veng, Chhinga Veng, Dawrpui, Zarkawt, Saron Veng – YMA joint duty te chuan an huam chhunga wine shop-te’n dan phal loha zu an hralh ru thin nia an ngaih thin thu sorkar ah an thlen.

Joint YMA duty hruaitute hnen atanga The Frontier Despatch (TFD) thu dawn danin, an huam chhunga dan phal loha zu zuar an man te chuan mi hrang hrang zu card an kawl khawm thin tih an hmu niin an sawi a, hei bakah hian chung mite chuan zu card pakhatin an duh duh zat zu an lak thin thu te, a chang phei chuan zu hralhtute’n an card ah engmah an chhinchhiah ngai loh thu te an sawi niin an sawi a, chuvang chuan dan phal loha zu zuar an man te chu Excise mite kutah an hlan bakah an hmuh leh hriatte an hrilh niin an sawi.

YMA Branch panga intelkhawma duty thin te chuan an huam chhunga zu dawr panga – Millennium Centre-a ZIDCO leh MIFCO wine shop, Zarkawta PC Wine Shop leh Hi-Time Wine Shop, New Market-a MAMCO Wine Shop – te chu tun hnai kha lehkha an pe tih sawiin dan loa zu hralh chhuah an ngaimawh thu te, dan loa zu zuar an mante’n an hnen atanga zu an la thin tih an hrilh thu te sawiin tun hnu ah chuan dan ang thlapa zuar tura an duh thu te an hrilh tih an sawi a, an huam chhunga dan loa zu zuar an man hnem thu leh chung mite’n an lakna hmun an sawi atangin Wine Shop-te’n dan loa zu an hralh thin tih an hriat thu an sawi.

Joint YMA Duty hruaitute hian June 27 khan Excise & Narcotics hotute an kawm a, an thil hmuh dan leh wine shop in dik lo taka zu an hralh nia an hriat dan te an hrilh a ni.

Excise Commissioner Ngurchungnunga Sailo chuan hemi chunchangah hian department-in hma a lak nghal dawn thu leh YMA thlen ang te hi Excise hotute’n an zirchian tur thu a sawi a. He thu ziah lai hian hmalak dan hriat hman ni chiah lo mahsela, Commissioner chuan tunhnaia dan lova zu zuar leh lei thin te awmdan chu a luhaithlak thu TFD a hrilh a.

A sawi dan chuan tunhnaia khauh zawka Excise-in hma an lak pawh khan zu dawr neitute chu warning pek hmasak an ni a, an sumdawnna a hlawk tho laia dan pela an zawrh zel chuan an dawr te pawh khar sak hial anih theih thu hrilh mahsela, an la tih luih talh zel thu a sawi.

Tin, zu leitute zingah pawh “mi pangai china ngaih” te pawhin dan anga zu leina card siam mai ta lovin zu an lei fova, an quota phal bak lei phet an tum thin bawk niin a sawi a. Hetianga ti an awm avang hian inhlawhchawp te leh mutia te thleng pawhin hei hi remchangah la in sumdawnna’n an hman thin thu a sawi bawk.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s